MIRROR演唱会︱前As One成员陈苑澄爆行内实情︰排舞师唔好咁黐线

MIRROR红馆演唱会于上周四（28/7）发生严重事故，李启言（阿Mo）被挂半空的巨型屏幕击中受重伤。不少艺人们都有关心事件，而日前，前女子组合As One成员兼现为TVB经理人合约艺员的陈苑澄（Tania）亦有在IG发文，Tania有多年的跳舞经验，加上是女子跳唱组合出身，她大爆行内的排舞师亦不时对舞者有不合理要求，要求做出高难度的动作，她直言︰“dancer自己要量力而为，排舞师都唔好咁黐线。”

Tania在IG出po，贴了一张《MIRROR.WE.ARE LIVE CONCERT 2022》8 月3日的门票，不过由于早前发生事故，所以余下的场次已被取消。Tania以“关于表演”为题发了一篇长文，她先写道︰“其实系咪应该有人要引咎辞职呢？以及呢一行会永不录用呢几个人。个个讲等警方调查，查就一定要查，到时系边个要坐监边个要赔偿，到时查完会点判刑系另一回事。出轨、嫖妓、传出丑闻的艺人都翻唔到身，依家系关乎人命的事故，唔系唔理呀？”另外，她认为有份演出MIRROR演唱会的舞蹈员们，即使是身体上没有受伤的，都应该要追讨合理赔偿， “要揾律师代表你哋发声，唔好俾啲人侧侧膊耍走咗”。

Tania续写道︰“另一点亦系最重要既一点，今次的事故系关乎成个行业、所有的performers，包括dancers, musicians, 艺人，特技人，等等。将来的演出，雇主必须为表演者买保险，赔偿要包括排练时受伤等。表演者的工作时数规管、薪金调整，一个show要有几多%有经验（8年？maybe）的大师兄师姐带住，几多%系新人。一个show 一定最少要排几多个钟，以确保所有人系熟悉啲机关、通道、位置、自己要做啲乜（舞步）等等。仲有啲衫十斤重都唔紧要啦，有时真系靓啲嘅，但可唔可以加啲护膝护踭？唔使下下跳contem就唔着鞋啫，可以做对软啲嘅鞋。”

另外，Tania提及到排舞师很多时都会有不同的要求，甚至不合理要求，叫舞者做高难度动作，“系咪要有forbidden move? 叫dancers 2楼打个后空翻落地呢啲我真系听唔少，当然排舞师要创作，排啲新动作，好睇嘅，所以一定开始排舞前就要work嘢试动作，dancer自己要量力而为，排舞师都唔好咁黐线。”

Tania又说︰“唔好再监平监贱咁卖，虾啲学生唔识，人工又低，工时又长，红馆个台真系唔系咁易行！”关于舞台安全措施，由于她不是专业人士，她未有讲太多，她只说︰“今次事故呢啲咁大型嘅失误故之然要fix。以后𠮶啲细魏嘢都要mon住啊，例如台底要有灯、啲钉次次周地都系呢啲。”

最后，Tania愤怒的说︰“我讲嘢打字都1999，我净系知呢啲事一次都嫌多！做咗阿妈更加心痛！就系你哋下下谂住呢度平啲𠮶度平啲，求其做到件事就算，舞台（红馆）系好神圣系唔可以求其对待佢！”她又补充说︰“发声系因为仲有期望！而唔系要攞啲咩着数，唔系想闹吓发泄吓，系真系希望会有改变而唔系以后只可以打啲灯坐喺度唱歌。”舞蹈员出身的《全民追星IV》导演Himtos亦有在story转发Tania的文章。

Tania自6岁起就学习芭蕾舞及中国舞超过12年。她亦曾于2004年至2010年为香港艺术体操队代表队成员。她在2009-2011年为香港演艺学院青年精英舞蹈课程学员，学习了更多不同种类的舞蹈，又于2012年加入女子歌唱组合As One， 有多年舞台演出的经验。