重新出发｜陈约临到日本拍摄全员染疫　监制张志明：冇得计损失

有《3日2夜》之父之称，前无线金牌监制张志明自从过档香港开电视后，就重点打造全新旅游《重新出发》，继续请来张沛乐（沙律）、陈约临（Kelly）、刘芷希及陈芷尤等多位女神，为观众带来久违的养眼福利！虽然《重新出发》目前已经开播，不过日前收到消息正在日本拍摄的陈约临以及摄制队均不幸染疫，情况令人担心！

去年底成为“日本人妻”的Kelly，本来带观众“返乡下”，之后顺道回夫家探亲。不过，在完成东京的拍摄，抵达大阪后，她与其余3名工作人员都相继确诊，她接受《香港01》访问时讲道：“我哋而家各自喺酒店隔离紧，我已经一条线咗，但安全起见都自我隔离多几日，先可以继续拍摄。（靠自我康复？）无错呀，我哋都有带定啲药旁身，都惊屋企人会担心，但而家身体情况还好，因为都打咗3针。”问道日本混血人夫有否帮手时，她笑称：“每日都有Facetime，但我喺大阪，佢喺东京，唯有嗌外卖靠佢帮我睇吓有咩食，佢系我嘅翻译机。”而Kelly就透露拍摄完后暂时会继续逗留日本：“日本呢边可能要搬屋，搞掂晒啲嘢先至再返香港。”

而张志明亦称目前拍摄旅游节目是非常大的挑战，更希望摄制队尽快平安回港：“今次我哋拍旅游节目去咁多个地方，飞日本应该系最困难，首先要等Kelly个签证都等咗好耐，所以我哋喺最后先拍日本。佢哋应该喺大阪染疫，𠮶日拍完嘢返到酒店就全部都发烧同喉咙痛，我哋都即刻安排咗间酒店等佢哋全部自我隔离，唔好再出去，Kelly第4日已经变返一条线，我谂成班过多3、4日就冇嘢可以出返嚟拍摄𠮶几集，之后就可以快啲返香港。（预计会损失咗几多？）其实都冇得计损失，而家出发去拍旅游节目真系搏㗎，唔可以用钱去计。”

点击看旅游节目《重新出发》一众主持靓相：