I SWIM︱Edan面对网民负评发千字文剖白感受：有时睇到好confuse

ViuTV原创剧集《I SWIM》因为云集靓仔靓女在开播前已经准受关注，不过随着剧情发展走向，大家似乎是弹多于赞，前晚（22/7）剧集迎来大结局，但是剧情仍然未能挽回观众的心，负评一面倒。身为该剧男主角的MIRROR成员吕爵安 (Edan) 今日凌晨就于IG发千字长文分享感受，又透露自己近期忙于演唱会彩排仍未有时间收看最后两集。他亦有留言网民对该剧的各种声音与批评，对于有人问他可有失望，他直言没有。他又写道：“唔怕老实讲，我自己有时睇到啲负评都好confuse。话我唔紧要啊，讲得啱嘅我会听，然后尽力改。但有时我分唔到啲负评系因为本身唔钟意我定点，搞到我都唔知take唔take好🤧不过都系𠮶句，即系要再做好啲啰。”

以下系Edan千字长文内容：

“Iswim后话🏊🏻

哩几日排紧演唱会，都冇时间出post，而家返紧屋企偷时间出下先🤪

iSwim琴日大结局咗luu，自己都未睇尾两集，可能要等演唱会后先睇到

但作为一个网瘾少年，紧系睇到大家嘅讨论，见到好多唔同嘅声音啦😆

有人问我，你会唔会好失望啊？

真心𠮶句，我自己真系冇嘅，反而好兴幸自己有参与其中

拍摄嘅过程固然学到好多嘢，但原来一个作品出街，睇返整个作品，再睇返自己嘅表现，同观众嘅意见，系会再令自己学到更多嘢，令自己有所成长

而哩啲经验，就系可以比你用喺之后嘅演出 ，之后嘅作品上

今次李马荣哩个角色，的确唔系自己做开嘅类型。当初做嘅时候，都好担心自己会唔会太死咕咕，会唔会净系演到个角色好死好唔自然🤦🏻‍♂️

另一方面，又担心大家会唔会睇唔惯，会唔会唔相信哩个角色，会唔会唔钟意哩个角色🥹

但系如果我因为惊就唔试，我就永远都冇机会做其他类型嘅角色，大家就永远都睇唔惯我做其他性格嘅角色🥲

如果我因为担心就唔试，咁其实…..我乜都唔洗做㗎啦㖞😆😆

上台表演都担心㗎，咁系咪唔做啊？

唔做，就唔会知自己有咩做得唔好，就唔会知自己有咩需要进步

可能有人今次睇唔惯，但经过今次之后，可能你就会睇得惯呢

可能今次做得未够好，但经过今次之后，下次咪可以做好啲啰

所以，一定要做

大家成日话我哋落水好辛苦好冻拍摄好攰，但其实幕后团队绝对系辛苦过我哋100倍。

Call得早过我哋，收得晏过我哋，开镜之前唔知准备咗几多个月，落水陪我哋一齐落，演员有dayoff佢哋冇，仲未计钱添

哩个团队绝对系尽咗200%嘅心血，200%嘅力量喺哩个作品上面，特别系导演，真系用爱发电

所以真系好感激同好respect幕后每一位，你哋真系好犀利🙇🏻‍♂️🙇🏻‍♂️

其实有意见先会有进步，盲撑系唔好，但盲_亦都唔好，所以我哋系好欢迎啲客观建设性嘅意见。

唔怕老实讲，我自己有时睇到啲负评都好confuse

话我唔紧要啊，讲得啱嘅我会听，然后尽力改。但有时我分唔到啲负评系因为本身唔钟意我定点，搞到我都唔知take唔take好🤧

不过都系𠮶句，姐系要再做好啲啰。

有讨论其实真系一件好事，有人讲好过冇人讲。但我觉最紧要系大家要继续支持香港嘅创作同制作(唔止系剧集啦)。

成日问点解外国嘅好咁多，喂大佬人哋多咁多资源，多咁多人才，多咁多support。

你几可听到一个后生仔话大个想做导演想做编剧？😂

所以大家_嘅同时，都要继续大大力支持，咁件事先会越嚟越好

觉得有问题有唔好嘅就比意见，希望佢下次变好！

讲完，冲凉瞓觉！

多谢iSwim，多谢导演，多谢所有台前幕后，多谢有睇有讨论嘅每一位，多谢李马荣(Viutv吴卓羲)😂

哩段旅程好难忘，希望大家可以继续支持香港嘅作品，亦希望大家下一次又可以见到一个唔同咗嘅Edan啦🔥🔥”

点击睇Edan原post以及靓相：