最后礼物︱孖潘灿良合作好劳气？　黄子华：健康差啲都做唔到！

黄子华和潘灿良主演的舞台剧《最后礼物》昨晚（22/6）于演艺学院展开一连四十场演出，杨受成先生夫人，刘嘉玲、林嘉欣，余诗曼、苏丝黄、金燕玲、苏永康、蔡一智、徐濠萦、陈国邦、许靖韵等等均有到场支持，星光熠熠。

演出过后，一众演员一同上台谢幕，接受观众欢呼及雷动掌声，主办单位英皇娱乐主席杨受成博士台上表示：“这个剧本来一月举行，但因为疫情延迟六个月，多谢子华哥，灿哥，各位台前幕后工作人员，做得非常非常之好，多谢你地。多谢所有观众，听监制Alex （冯贻柏）讲，我哋这次几乎系零退票。”

监制冯贻柏则说：“今次经历疫情叫停，好多谢各位演员，子华，阿灿、导演、可以同我哋共同进退，排除万难夹得番个期，成就今次演出。由我哋一月被叫停至今，退票率系真系近乎零。观众大家的支持，亦畀咗好大动力，我哋台前幕后坚持一定要做到今次演出，所以非常多谢大家。而我哋今次亦破咗一个纪录，疫情期间开最多场次舞台剧。衷心多谢个天畀呢份礼物我哋，亦希望我哋之后可以顺顺利利，将四十场完满成功演出！”

潘灿良说：“剧场需要观众，当延期时，我身边朋友冇一个退飞，个个都同我讲，死都揸住飞，等到我哋演出个日。今日终于见到大家，真心好多谢各位同我哋一齐坚持嘅观众。 我就识识哋演戏，但唔识讲嘢，不如留番畀一个好识讲嘢嘅人讲，有请子华！”黄子华笑道：“识讲嘢一啲都唔重要，最重要系识做人，所以我首先多谢杨受成先生先，各位真系唔系讲笑，呢个骚停咗六个月，期间舞台有好多骚停咗，一停就冇咗，好阴功。要好有实力嘅人，先至可以系六个月后安排番做番咁多场。所以我代表成个团队讲一句，真系好多谢杨生。呢个戏，我同灿哥排第一、二日，佢已经同我讲，呢个戏好劳气，真系，呢个戏系一啲都唔容易，健康差啲都做唔到，感激成个团队，我哋合作好愉快，非常感恩有这次机会，感恩大家（观众）冇走到，Thank you。”

黄子华演出过后，于后台跟少量来支持好友会面，个个都大赞佢是“神演出”、“100分”、“好到不得了”，子华接受访时笑说：“神，系呀，我当自己系“神神”（神经个神）哋架啦！（咁你觉得自己几多分？）一定重有好多进步空间，舞台系日日唔同分数，同拍电影唔同，舞台系日日唔一样，观众互动，对手互动，自己状态，个日血压呀咁，都有影响，系一个好刺激一个活动。”讲到每次演完，都见子华返入后台虚脱一样，子华坦言的确系虚脱，“基本上做呢个戏，各位钟意睇人疲倦系好抵睇，我试过彩排后开车回家，彩排地方同我屋企不过距离只需十分钟车程，但我开咗五分钟车之后，系攰到系一条最繁忙街道上面，同自己讲 : ‘算啦，掉低架车喺路边瞓算！我顶唔到啦！’后来真系要泊停架车，休息一阵先再开番回家。”子华又话：“各位观众有机会来睇，睇过包你认同 系抵攰！哈哈。”

问到子华，咁攰咁，四十场点保养身体？“庄梅岩教我，每日只做一件事，只系做戏。我打算每晚八点开场，完场十一点几番屋企，十二点瞓到第日早上七点九啰！咁应该够休息。然后咪返来开工。”

潘灿良骚后表示，好开心终于等到今日一齐见观众，其实疫情煞停，都是不幸中大幸，隔半年大家沉淀一番，又有新体会，角色深化一一改善。讲到子华话每次演出完好攰，阿灿话：“系呀，呢个戏真系唔简单，虽然唔系一个人撑起。但主要我同子华，三个钟戏，由进程由冇乜嘢发展到好激烈两兄弟之间的争斗，真系每次做完都觉得好花功夫、花气力，好劳气。哈哈。我老婆已经搬定张按摩椅出厅畀我，因为每晚我收工返去，都话好攰，佢咪搬定出来等我可以按摩舒缓下。不过同一个咁好团队合作，同子华对戏，系一件好享受嘅事，再攰都开心。”

编剧庄梅岩则说：“半年前我睇总彩排，当时知道第日冇得做，但大家都好齐心做到最好。等咗半年再做，我哋已经准备充足，依家紧张嘅系等观众反应。上星期我再睇子华彩排，发现佢对个角色好似好通，半年后深化左对角色了解，佢成个人松左，又放，唔知系咪冇o左偶包...哈哈，好到我好惊讶。咁阿灿我地既舞台皇子， 对佢表现当然系好满意。