开电视搞水著骚唔为撼TVB　监制张志明：我贴地嘢系民间选举

开电视最近正密谋炮制水着选美节目《夏日水着选举2022》（暂名），并由传媒投票选出15位入围者，之后再由星级导师全方位训练，导师有张沛乐 (沙律) 以及李亦乔（牛杂妹 Monnie）等，而该节目的监制则是由无线过档的《3日2夜》之父张志明。

沙律在接受《香港01》访问时，指这个并不是斗性感的节目，而是要让观众看到参赛者的“灵魂”，她说：“佢哋知唔知自己做紧咩嘢先，每人对身材嘅睇法都唔一样，咁系咪既定咗有身材就系性感？唔系一个定义嚟。我哋好想透过水著比赛，表面层面系睇身材，但我想讲唔止，好多嘢要发掘内在，如果好似机械人，个个都有身材个个都整容，你冇灵魂嘅话究竟仲睇唔睇你呢？ 你只系一个机械人，你觉得人哋性感，只系因为摆呢个姿势，我去模仿佢。唔系啰，呢个只系机械人。”

而监制张志明则表示希望节目贴地一点，所以不辞劳苦也要做投票制度，他说“唔系无喇喇有一班人跟住去选，有少少似民间，唔会搞到著晒礼服、旗袍，唔系！有一班香港人玩好开心，要人去选佢，我觉得会贴地啲。有啲节目揾返佢哋，以前喺TVB港姐落选嘅做住节目先，都要拣嘅，唔系个个有（潜质），唔系好多个一嚟就得，要睇要拣。 ”

过往在TVB，张志明监制过不少大型节目，他也有自己睇人的一套，不希望参赛者只是求求其其，他续说：“我以前拍所有人都希望佢自己可以睇吓啲料、自己讲、唔好太行、自然啲，你钟意乜咪讲乜，唔好企喺度讲啲嘢就嗌多谢。贴地嘅意思就系咁，啲女仔平时钟意去边度玩，做啲咩开心就讲出嚟，有自己嘅性格，如果一般选举咪出嚟讲我叫咩名，芳龄乜乜乜，多谢！咁你咪觉得我都唔系想睇呢啲，但最后咪又系去拍返节目。我有少少（真人骚）嘅，会摆啲得意啲嘅嘢，我贴地嘢，唔对撼（港姐），系民间选举。”