马国明爆汤洛雯签TVB长约未走得：Uncle都系讲吓啫

汤洛雯离巢？这5个字近日成为了TVB观众关注的话题，有新闻报道，汤洛雯的爸爸汤镇宗曾提议女儿汤洛雯离巢发展。今日（21/07）马国明出席《白色强人II》宣传活动接受《香港01》访问时就替其否认传闻，并直言汤洛雯短期内不会离巢。

对于汤洛雯离巢，马国明接受《香港01》访问时说：“呢个都系汤洛雯Daddy话。我明嘅，因为做演员周围去睇吓唔同世界，对将来有好大帮助。至于系咪真系呢？我谂都要好几年后，如果我冇记错，佢仲有张好长嘅约未完，所以我谂Uncle都系讲吓啫。（5、6年？）系呀，所以佢Daddy都系讲吓。我又唔敢讲‘鱼唔过塘唔肥’，我觉得去多啲唔同地方识多啲制作单位、拍多啲唔同嘢、学习多啲唔同文化，对演员都有帮助。”

马国明续说，汤洛雯离去与否也是她个人决定，并不代表汤洛雯离巢他也会跟着离巢。马国明自2000年艺训班起已效力了TVB 22年，他表示并不是刻意留在TVB工作。马国明说：“我又冇话刻意留低定系走，睇吓到时合作得开唔开心。大家又唔使放到呢个问题好大。”他表示，自己由TVB艺训班做起，而且认识到不同监制幕后，说：“大部份都合作得好愉快，场务安排都好好，可以好安心咁拍摄，呢啲都系TVB吸引我嘅地方。”

近年有不少演员、艺人北上工作兼将重心放在内地，马国明就指因为家人都在香港的关系，所以不会长期留在内地。他说：“真系唔得，因为爸爸妈妈喺香港，我唔介绍出外做嘢，但系最尽两三个月就要返一返香港，对我嚟讲家庭都系摆第一，事业对我嚟讲都系摆喺家庭之后。（汤洛雯排第几？）又唔系捉字虱捉得咁紧要，汤洛雯同我结婚之后，佢都系我家庭一分子，所以我都系摆家庭喺第一位。”