通灵之王｜梁思浩懒理有人投诉节目导人迷信：有人谈论就系赢

由梁思浩与王嘉慧（Cathy）及伍韵婷（Juliana）主持的选秀真人骚《通灵之王》首播至今，节目内容成功引起网民热烈讨论。不过有基督教团体担心，有导人迷信之嫌，于在本月初，社交平台撰写一篇给无线总经理曾志伟和萧世和的信，内容指强烈关注无线罔顾社会责任要求停播。

今晚（18/7）“亚洲鬼王”梁思浩现身电视城出席无线节目《思家大战》录影就上述事件解画：“其实好多人睇完三集之后觉得好正面有好多嘢学唔迷信㖞。相反地你哋会见到有啲网民一面倒，投诉者反被投诉。（被评击心情会否受到影响？）绝对唔会。而我觉得香港最可爱嘅地方就系可自由创作，呢个节目由我创作至完成，TVB百份百对我信任，而且从来冇加一句半句，呢个我系好开心。”

被问到被指抄袭俄罗斯节目《通灵之战》？思浩直言绝无此事：“绝对系唔一样。因为排位镜位所有嘢都唔一样，可能个节目译名好相似，但内容唔一样。（你有冇睇过俄罗斯个节目？）我系有睇过。但佢哋个节目系冇揾师傅嚟，而我系有加插师傅𠮶部份，所以系好唔同。其实当我创作完之后，有人提我𠮶节目名同俄罗斯节目名好似，问我要唔要改。于是李居明师傅就帮我用算学改咗《通灵之王》，而原本我个节目名系叫《通灵王》，佢仲话加咗个‘之’字一定会爆红，咁所以我好多谢佢。（改名有冇收你钱？）佢冇收我钱，佢系送俾我。”

另外提到有网民指他在“灵魂谈判师Depp”在念天语时身后有蝙蝠飞过，不停重复讲：“后面有蝙蝠飞过”表情造作兼浮夸令人生厌。思浩表示：“多谢啲网民咁留意一啲细节，连我一句说话都咁上心。其实呢个效果系韩式嘅重复拍摄手法，而我喺现场只系讲咗一次。不过可以引起咁多人去讨论，真心觉得系一件好事，因为如果做一个节目冇人谈论嘅话已经系输咗，有人谈论就系赢。”

其他文章:通灵之王｜占卜师“裸泳”系吴启华前度　原名罗泳娴正职地产代理