56岁梁荣忠满头白发显沧桑坚持唔染发：演员走唔过年龄呢样嘢

梁荣忠今日（1 8/7）现身香港电台电视大厦出席港台剧集《狮子山下2022》记者会。提到在单元剧《得闲饮茶》自编自导自演。梁荣忠笑言：“其实所有嘢同资源分配好有关系，如果可以再强啲嘅话，我系可以请多啲演员。点讲都系问题，去到最后计唔点数，唯有自己做啰。茶水唔够人我都会做埋，始终一手一脚自己做点都会开心，而且见到自己嘅作品面世，就好似完成自己嘅梦一样，辛苦都值得。”

被问到满头白发是否度剧本所致？梁荣忠笑言：“本身已经够多，哈哈！不过我希望下一次能够做阿爷嘅角色，因为作为演员系走唔过年龄呢一样嘢，而我就好钟意叶蒨文𠮶句“要优雅地老去”。咁我就觉得年青时做过年青嘅角色，年过30又做过小生，到而家到50过外，咁我做一啲老嘅角度系好好嘅事。（有网民话你好沧桑，点解唔染发？）其实因为近年我做幕后，咁其实染发同唔染发我都系匿埋喺后面，咁所以觉得染嚟仲乜嘢呢。况且真系唔想嘥时间去染头发，情愿将啲时间做其他有用嘅嘢好过。”