林嘉欣曾被李丽珊抛窒唔敢生　育有2个囡囡：平有平养、贵有贵养

林嘉欣和李丽珊二人第一次合作拍广告默契十足，出席记招时自爆不时倾“凑女经”：“同珊珊拍广告好难忘、好投契，埋位同唔埋位都系倾凑女经，珊珊佢啲女入晒大学，我仲要慢慢挨，呢次好开心同佢合作，觉得佢好亲切。好多年前珊珊拍广告讲生囡要四百万，听到我好惊谂住唔生，但最终自己都生咗两个，洗咗几多真系唔知，总之平有平养、贵有贵养，有需要都要洗嘅。”

广告中珊珊教林嘉欣玩风帆，佢表示两个小朋友各有兴趣，大女钟意写故事、画漫画：“可能佢受爸爸影响，因爸爸有写剧本，细女就钟意游水。我净系识凑女同拍戏， 我唔识理财，系咪好唔似呢？所以呢啲数字嘢，我要专业人士帮手。”至于参演电影于金像奖获奖，嘉欣表示因为“早瞓”而未能睇直播：“我有恭喜导演，佢将妈妈呢个将重大角色交比我好开心，很荣幸可以参与，得到呢个圆满成绩替他们开心，今晚会庆祝。”