何超仪出钱拍戏做监制都要受人气　要出动大家姐讲数︰我太弱啦

由郭伟亮（Eric Kwok）、方力申、胡美贻和陈欣茵主持的J2节目《铺铺Poker》早前一集请到何超仪做嘉宾，Eric Kwok的太太叶佩雯都有出现，齐齐玩Poker。身为赌王何鸿燊的千金，何超仪自爆家里的电视竟然坏了也没有换？而且她在当监制时，亦要受其他人气！

何超仪分享了一件趣事，她表示︰“我𠮶个电视就系后现代电视嚟，佢烧咗电视个底一半嘅灯，所以我哋睇新闻报告净系睇到上截，跟住下截系渐变黑嘅（陈欣茵︰啲有钱人兴咁样？）唔系！系个电视真系坏咗！但系而家疫情，我哋又唔够胆叫人哋入嚟装电视，咁就唯有睇呢个电视。”

但Eric Kwok就大爆何超仪没有换电视的真正原因是喜欢较黑的电视屏幕，她笑说︰“都几enjoy，因为一般正常睇新闻系光掁掁咁嘛，光到我只眼，我年纪开始大，我唔可以受好多光，一系我自己半开合眼咁睇，而家唔使啦，可以擘大眼睇啦，因为佢已经黑晒。”她透露疫情没有那么严重时就会换电视，“咁唔系点啫，唔通搬入嚟我屋企，叫我哋自己两公婆搬上去咩？爸爸（陈子聪）话自己读机电工程，但系佢好多嘢都装唔到！装个热水煲都有问题，插个电啫！”非常搞笑。

何超仪跟老公陈子聪近合作做监制十多年，她承认夫妻合作是会有冲突，她说︰“佢耳仔软，我就唔出声，但系其实我收到晒啲人喺度做咩，我返屋企同爸爸（陈子聪）讲，佢就会闹我，话我对人太冇信心，你个人唔够正面，你要positive啲，我话但系你俾人呃紧㖞，我睇住佢点你㖞，所以两公婆就有啲咁嘅嘢。”

何超仪平时到片场喜欢穿得轻松一点，所以难免会令人感觉不够正式，她分享一次的经历，“有一日我去做嘢，𠮶样嘢我唔系做开，我一坐低，原本有一班好劲嘅人谂住教我，点知我一坐低，因为一早起身，我仲系半醒嘅时候，突然间连续放咗5个响屁，仲要好长，5条友一齐退后。喺片场，坐喺𠮶个位系要好有威严，但系睇我Hip hop咁嘅款，人哋可能会唔尊重我，点知一嚟坐低就放几个屁，跟住班人觉得我好似识嘢㖞！”

何超仪由2010年的电影《维多利亚壹号》开始，与陈子聪一齐做监制。但作为监制、出品人的角色，她直言“好辛苦”，而她即使自己出钱拍戏亦要受戏，更不时向Eric Kwok大吐苦水。她透露是受一同投资的外国人的气，她表示︰“结果要请我大家姐，同佢哋讲数，因为我太弱啦，人哋系好冇礼貌𠮶啲。”