罗家英否认求婚19次至成功 爆汪明荃准时拎家用：佢有钱都要攞
今年76岁的罗家英日前接受车淑梅电台节目《旧日的足迹》访问，谈到当年他由大舞台走进大银幕，全因1988年与汪明荃组织了“福升粤剧团”而知名度大增，及后他接拍了多套电影，包括周星驰的《西游记》系列、《国产凌凌漆》等，他忆述与周星驰合作非常开心：“佢绝顶聪明，经验丰富，初合作冇心理压力，因为我只知佢系‘无厘头’嘅始创人。我冇睇过佢啲戏，所以我眼中冇佢！哈哈！佢同我好好倾，佢当我系新人。佢同我讲要拍《西游记》，我心谂有乜好拍？人哋都拍晒啲故仔啦。结果佢真系拍《西游记》，揾我做唐僧，一连出咗两集，但系佢只系畀咗一集钱， 因为我系逐日计数，冇法子。佢唔好话只剪成两套（电影），剪五套我都无权出声，不过我只系拍咗唔够10日。”
提到跟阿姐的合作，家英哥说：“我哋合作愉快，但只有一件事，佢最怕我用佢个名去宣传自己，我感觉到佢介意，不过我冇咁样做。我都知阿姐迷初时唔钟意我，但同我冇乜相干，因为佢继续钟意我，哈哈！”家英哥笑言吸引汪阿姐的方法是“真”，而阿姐亦不时在歌迷面前维护他：“我冇要求过佢养我、带挈我、畀钱我。你有你嘅，我有我嘅，我哋分得好开。婚后一齐住我有畀家用，佢好紧张㗎，佢话：‘你要养老婆，你唔使养老婆咩？’佢有钱都要攞㗎！（做汪阿姐老公好开心？）呢啲喺世俗嘅眼光，我唔觉得佢高高在上，我感觉大家好平等。佢有钱、有名气，我唔介意，亦都唔稀罕，所以冇呢种心态。”
外间传闻家英哥向阿姐求婚19次，家英哥否认此事，更指对方家庭观念较他重，而他反而有结婚恐惧症。他2002年阿姐患癌，他没有提出结婚；2004年他患肝癌，阿姐开口说了，“只系轻轻讲，喂！我哋几时结婚？我就话，结咩婚？唔好结住，睇定啲先，都未了解清楚……”家英哥回想曾经有过两次结婚冲动，第一次是汪阿姐担任人大要上深圳开会，他想到对方若从政，必先要处理好家事，所以需要给她一个名份。后来她做了政协便没有再刻意提及。第二次于1996年，他凭电影《我爱厨房》获提名香港电影金像奖最佳男配角，自觉胜算高，于是计划得奖之际，在台上即场求婚，令金像奖有一段佳话。“我请阿姐陪我去睇金像奖，佢都觉得我机会高，点知输咗。我有啲唔忿气，因为我觉得我由头到尾扮女人，好有难度。不过呢件事之后，我亦都冇出声（求婚），金像奖就冇咗段佳话喇！”
汪明荃终坐完澳门疫监 出关即上山拜祭罗家英父母获赞中国好媳妇
后来，家英哥的妈妈离世要出讣闻，他要决定如何加上汪阿姐的名字。当时两人已有结婚的感觉，于是去了拉斯维加斯注册结婚。家英哥大赞阿姐是勤力的太太，家中杂务、粗重功夫她都会做。“佢钟意做嘢，身体好过我，早上九点几就起身精力无穷。我无想过退休，可能80岁啦。我有想过畀一啲遗产佢，畀一啲细佬。 我对人生已睇化，经历咗几次大手术已冇乜嘢恐惧。好感恩个天对我不薄，我咁嘅学历、性格，都可以做到咁已经好满足。多谢个天畀我一个咁好嘅太太。黄昏之时，都畀我美丽嘅华彩！我哋相处之道就系，我有病得半条人命，佢有病得半条人命，两条人命夹埋一条人命，就系你中有我，我中有你。”