I SWIM | Edan拍游水戏两条泳裤打底　Jeffrey ：咁劲？我冇㖞...

ViuTV新剧《I SWIM》开播后讨论度极高，而在昨晚播出一集不慎裸泳嘅Jeffrey （魏浚笙），今日联同剧中女友袁澧林齐齐出席连锁米线店活动揾真银。提到游到甩裤一幕，Jeffrey笑言既震撼又好笑，并谓：“只要勇敢去试就会成功。当然可能会令到其他演员觉得呕心啦，所以都有做返少少安全措施（打底）。”或者系因为安全措施做得够，所以拍摄时 1 take 过，令Jeffrey觉得有少少唔够喉。提到之前几位镜仔话自己拍摄时，为怕激凸所以以两条泳裤打底，Jeffrey 闻言后表示：“哇咁劲？我冇㖞，我一条咋⋯⋯”之后愈答愈尴尬，只系识儍笑。

Jeffrey 表示剧集开拍前不停操肌，如今剧集正式出街，肌肉依然存在，仲好大口气咁话“好坚㗎”不过问到女友睇剧时反应，佢就话：“《ISWIM》系一个游乐场，睇10次都系咁精彩。经理人真系fans咁睇10次，其实而家都系播咗两次，但佢已经系咁睇，睇完再睇，证明剧集系有魔力。（会唔会其实系睇其他人？）唔介意，剧集好睇咪得啰。”Jeffrey 拍剧经验唔算多，但余浪冲一角获不少网民赞赏，他坦言十分开心，但亦谦虚表示仍需努力，因为自己仲系新人。“要磨炼演技，真系要用时间去沉。”

问到剧集如果有好收视，会否公开黑图或绝密照，Jeffrey 话打算公开另类照：“好多人唔信我系肥仔，我下腩好厉害，所以想分享比大家睇。”