林盛斌Bob首次拍片超怯场流晒汗　导演要求“可唔可以唔好咁TVB”

艺人林盛斌（Bob）口才了得、主持经验丰富，任电台主持和司仪多年，又主持过不少婚礼、私人活动。近年Bob更成为无线（TVB）御用大型骚主持，可谓信心保证。电视节目之外，Bob近年亦于私人YouTube频道“BobTivation”分享励志人生故事、进步秘笈，升级做人生教练。虽然Bob拍片题材偏向冷门，然而亦吸引不少观众定期追看，近来每条片段平均都有过万点击次数，最高一条片段更是有11万点击次数。

不知不觉Bob拍片已有一年，近日他于新片“BobTivation一周年Q&A”解答网友问题。有人问拍YouTube片和其他工作场合比较之下，心情和说话会否有所不同，Bob坦言没有刻意不同，但他忆述首次开拍BobTivation时竟罕有地茫然失措，他说：“第一次拍BobTivation系喺我公司，有导演、监制、有朋友打灯，几个喺度围住我，我好紧张、好惊，流晒汗呀，之后（担心）死火，会唔会讲错嘢呢？唔知点解会有咁嘅焦虑㖞。平时面对几千、几万个观众，喺台上做司仪，完全冇特别大嘅怯场。”

当时未曾有拍YouTube片经验的Bob唯有摆出平日做司仪的脸孔和姿态，对住镜头专业又认真地介绍频道，但却被导演指他太有“TVB味”，Bob说：“导演同我讲：‘Bob，可唔可以唔好咁TVB呀？’”导演要求Bob以朋友身份与观众分享心得，少少TVB味都不可流露出来，Bob续说：“（导演话）睇YouTube或者呢个频道嘅观众想睇唔系TVB𠮶个你，而系真实𠮶个你，而系朋友倾偈，真系Friend坐埋一齐讨论紧课题嘅阿Bob，你可唔可以试吓？”

Bob努力之下，语调和态度变得更自然，获不少人赞耳目一新。而Bob指平时拍节目要搞气氛，要做出令人反感的行为，其形象未必讨人欢心，他说：“你可能要寸吓人；或者你拍某啲角色，肉肉酸酸，核核突突，猥猥琐琐，呢啲咁嘅形象可能令大家深入民心咗。”Bob续指：“如果你觉得喺电视上嘅Bob会踢人落水、拉人落水，整到人成身湿晒，然后哈哈大笑嘅，𠮶个嘅佢真实性格就系咁㗎啦，咁当然我都阻止唔到你。”Bob认为BobTivation令外界了解到他另外一面。

拍片约半年后，有一天TVB高层曾志伟问Bob想做甚么类型的节目，而BobTivation启发了Bob开拍《360秒人生课堂》，不少高层看后大赞，对第二季开绿灯，并鼓励Bob道：“准备定下一Round。”

另外，有“金牌媒人”之称的Bob曾被问到可否帮手拉红线，Bob澄清不会随便帮陌生人配对，他说：“唔系无端端行过嚟话介绍条女嚟识吓啦，呢啲我绝对唔会回应嘅。”

点击睇Bob便利店“美少女店员”彤彤兼“翻版麦家琪”靓相，以及Bob豪宅照片：