张敬轩相隔数年再到学校演出　回复青春：咁大个仔未试过俾女围！

日前，张敬轩受邀出席“九龙真光中学150周年校庆”，并献唱《遇见神》。轩仔甫出场，全校师生立即进入疯狂状态，现场的欢呼声大得几乎听不到轩仔的歌声，认真厉害。演唱完毕后，几位学生司仪向轩仔送上花束，随后原本打算回后台的轩仔被叫住：“张敬轩先生，你睇吓群情汹涌呀，你唔系谂住净系唱一首歌啩？系咪呀？”台下观众立即起哄，全场不停大嗌encore，犹如重返红馆现场一样，而为了不让一众同学仔失望，轩仔便说：“花我先唔收住，再送多一首歌俾大家，《樱花树下》。”最后更同全场观众自拍大合照。

事后轩仔表示起码有三至四年没有到学校演出，更笑说：“因为呢间系女校嘛，所以其实我咁大个仔未试过俾咁多位女仔围！。同埋真系好耐冇做过学校show，耐到我都唔记得，因为疫情至少都有三、四年。见到咁多年轻嘅一辈，我都觉得自己个人青春咗、有活力咗，话晒我都系今年2022年度‘哎呀新人’，哈哈。”之前圆满结束的红馆show，轩仔encore到破晒纪录，想不到今次的学校show，同样被观众要求encore，轩仔笑言自己“做坏规矩”：“当然大家钟意我嘅演出，我梗系开心，亦都一定尽量满足大家要求，不过唔知会唔会做坏规矩？之后无论边个场都要encore？咁就要睇现场观众系咪真系想听我唱多几首啦，哈哈。”