日日妈妈声|余安安遗憾无缘见妈最后一面 森美用计氹大肚太太行房

余安安担任《日日妈妈声》主持多时，最新一集感谢“最强守护者”：已去世的妈妈，余安安指从同为单亲妈妈的母亲身上学会要“排除万难照顾下一代”；谈到最遗憾的事，余安安说：“妈妈离开时，我喺内地做紧舞台剧送唔到佢最后一程，𠮶时要好辛苦咁抑压住自己嘅情绪，因为唔想影响团队，所以冇讲畀任何人听。当完咗最后一场骚，我即时冲咗出去踎低爆喊。”

汤盈盈、车婉婉、周家蔚齐齐分享育儿经历，车婉婉透露囝囝BBQ出生后不久发现患有先天性心脏病，当时她被吓得即场爆喊，幸好BBQ最后“食得瞓得”兼不用做心脏手术，令婉婉十分感恩。婉婉又分享BBQ的窝心事谓：“佢话唔想我老，唔想我去天父爸爸𠮶度，但我话天父爸爸𠮶度个个都要去，佢就话：‘咁好啦，我同你一齐去。’真系好纯真同Sweet。”

周家蔚则分享最尴尬时刻，她笑言细仔十分黐身和喜欢身体接触：“我有时出街会着裙，细仔就伸手入去系咁摸大髀，成日都同佢讲话唔可以，但佢𠮶一刻就系控制唔到。”至于汤盈盈则分享最感动时刻，她透露每晚睡觉时都很感动：“我同细女一齐瞓，佢当我系佢嘅熊公仔，每晚都会揽住我瞓同埋系咁扫我，仲会同我讲：‘Will you be with me forever？’我自己讲完都觉得毛管戙！”

而在“妈妈围城”环节中，森美、周志康和张达伦则齐齐接受刁钻情景题考验。其中问到“老婆有咗BB，老公想曳曳”时最为爆笑，育有两女的周志康笑言会以美男计和按摩来引诱太太，森美闻言即说：“你过去呢5年都冇做过啦，最近一次系几时吖？”惨被抛窒的周志康害羞到面红颈赤兼口窒窒。机智的森美则指会以“对BB好”为由氹太太，他笑言：“听过一个传闻话喺适当嘅时候行房，可以笃个酒窝出嚟！”引得全场哄堂大笑，周志康再下一城补刀谓：“咁会唔会太多酒窝？”