韩君婷亲揭飞英国真正原因　要处理家事︰唔使担心我处理得到！

梁思浩日前突然透露前亚姐冠军韩君婷将会到英国生活的消息，而她在YouTube节目《大家“真”疯骚》上透露了离开香港的原因！节目组最新上载了韩君婷放假前的最后一集，原来她飞英国是要照顾爸爸。同时韩君婷亦拍了一段片，跟大家交代，她直言因为她的“鬼佬老窦”一个人在英国，要“返去睇佢、安顿佢。”又跟网民说︰“你哋唔使担心，我处理得到！”

而在节目中，梁思浩透露由头到尾都不知道韩君婷到底何时回香港。韩君婷说︰“我讲咗个大约日期啦，因为我都唔知个疫情喺世界各地会系点样。”她透露︰“我要飞一转英国，我爸爸住𠮶个地方唔系喺伦敦，我要再搭多几个钟头嘅火车我先至去到我爸爸嘅乡下。”

讲起爸爸，孝顺的韩君婷说︰“今次佢自己开声，就话近排睇嘢真系有少少蒙，同埋对脚真系有啲软，好似真系冇力，好少老人家会自己开声同你讲嘅。（梁思浩︰佢真系觉得有事啦。）系啦，而且我再套吓套吓，原来佢两年半都冇出过街，冇出过自己嘅门口。因为我之前一路问佢，佢都呃我，佢话佢有去覆诊，后尾发现原来佢真系两年半连个门口都冇出过，但系好在英国𠮶度有人上去帮佢打疫苗，4支佢都打晒啦，所以佢仲稳阵过我。”

韩君婷又对梁思浩表示︰“呢段时间我真系好开心可以喺呢个团队里面，村长又咁锡我，我即刻同你讲呢件事。”梁思浩即刻叫她买机票走。韩君婷要去到英国才决定到时是带爸爸回香港，或是有其他安排，“所以呢啲我就未知，所以我唔够胆咁大声话我去两个礼拜我就返，我唔够胆讲，而家暂时我就同村长你哋请咗两个月假。”

现年46岁的韩君婷去年被爆出欠债40万元，于今年初向法院提交破产呈请，当时她自辩因为早年要照顾患病母亲，需支付庞大的医药费才欠债，直至母亲身故后，又遇上疫情失业，收入更一度“归零”，因而无力抵债。之后，她又跟同居两年的密友蔡国威闹翻，而被逼迁受尽打撃。即使生活拮据，韩君婷依然从容面对，她更曾被影到在网购平台兼职带货推销商品，甚至连“苦力”都做，负责搬货、理货，务求多赚一些生活费，希望尽快解除破产令，重过新生活。