七师傅身家逾10亿全靠勤力　称物业众多十只手指数唔晒

人气风水师七仙羽（七师傅）近日正密密筹备《师傅七都识唱笑会》和担任微辣栋笃笑嘉宾。七师傅称每日行程紧密，两个骚都没有准备过，只靠即时反应，故没多大信心，她说：“上台系冇信心㗎，因为我唔识唱唔识跳，我就谂即系要靠以前有少少基础，要发挥出嚟。尽量做到几多得几多啦，大家唔好对我期待太高。”

早前七师傅与邓兆尊合照被指有夫妻相，她感到既开心又悲伤，“唔知道系赞定弹”。七师傅又坦言不敢私底下约邓兆尊出街，“佢三个老婆虎视眈眈，唔够胆咁样出嚟。”

至于七师傅近日爆出身家介乎10亿至100亿之间，七师傅指从家人身上学懂成功须苦干，她谓：“我留意到啲人愈勤力愈有钱㗎。（投资喺边度？）有物业、现金、基金、黄金、投资，乜都有。（有几多物业？）十只手指数唔晒。”她提供发达贴士：“比鸡训得迟、比鸡起得早。同鸡斗，你就成功啦。”

有不少人想同七师傅上契，七师傅自认仲后生，不收契仔女：“我咁细点契，我要揾契妈、契爷。但如果我想揾契妈呢，大部分女人都唔钟意㗎，佢哋想自己后生，冇女人想做契妈，契爷就好多㗎。”

【01心意慈善Music Live网上直播音乐会】
表演单位有RubberBand，与多位新晋大热组合及创作歌手包括P1X3L、ONE PROMISE、余宗遥DEZ、云浩影Cloud 及张蔓莎Sabrina 演出，仲有七师傅担任特别嘉宾！群星以音乐力量筹款捐助流浪毛孩及社会弱势，即刻入嚟👉🏻买飞啦！