专访 | 赵希洛试过一年冇剧拍　用最少使费生活：至少我唔使交租

“屋企人会对自己有期望，咁当我选择咗做呢行，我希望可以做到啲成绩出嚟，尤其是当佢哋觉得我唔适合。可能系一种任性，但同时都想话俾佢哋知我做到啰。”
赵希洛（Candice）说起家人时态度总是落落大方的。她多次温柔又坚定地表达出希望获得家人认同的想法，这个念头坚持了至少15年。当外界以为赵希洛做出成绩后，她的父母应有所改观，赵希洛听后惊讶道：“你觉得我屋企人认同咩？”原来改观的只有妈妈梁小玲，赵希洛不讳言：“爸爸需要时间说服，佢未接受。”
摄影：梁碧玲

试过长达一年无剧拍：最低消费生活

39岁的赵希洛2007年选港姐入行。她不是一入行便受TVB力捧，赵希洛低谷时试过长达一年无剧拍，接下的剧集无故取消拍摄，只靠《揾食饭团》和《明珠生活》两个综艺节目维持曝光度，迫使她认真考虑要转行。她说：“你就会觉得，系咪真系冇人揾你做任何角色、系咪真系系时候要转行呢？已经超越咗屋企人、你身边朋友、你Auntie、Uncle问你。因为你做呢行会好多人睇住你㗎嘛，睇住你有几多工作、有冇进步、成绩，咁𠮶啲都系压力嚟㗎嘛。”

父母反对入行　飞机上练喊戏磨炼演技

赵希洛自言已比许多演员幸运，她说：“至少我唔使交租，屋企人有地方畀我住。𠮶阵同大家一样都系搭公司巴士，就系基本支出啰。”赵希洛是富家女及星二代，妈妈是前艺人梁小玲，爸爸赵崇康是澳大利亚大律师，赵希洛毕业于英国大学法律与商业系，赢在起跑线上。望女成龙的赵希洛父母得悉女儿入行，当然皱起眉头投下反对票，赵希洛明白父母一片苦心，她说：“你好难令屋企人放心你成长得好，成日都唔定时定候食饭呀，出粮又未必咁理想呀，将来点养自己呢？”

赵希洛失意之时，靠好姐妹李施嬅和黄智雯陪她走出低谷，她又飞往法国学戏剧增值自己。回港后，赵希洛接下剧集《大步走》，事业渐见曙光。直到《金宵大厦》播出后，她以忆子成狂的“何太”一举夺下当年的“最佳女配角奖”，出街开始有人认出她。直到《金宵大厦2》播出后，多了人称呼她为戏中角色名“四爷”。近日赵希洛参演《十八年后的终极告白2.0》，放胆连场激情戏赢来讨论度，“赵希洛”这个名字也稳稳地入了屋，多年努力也为她收获“御用癫婆”之称。

赵希洛为演好《十八年后2.0》一角，在天台喊足4个钟。她自认不是“话喊就喊”的性格，故为练好喊戏，她试过在船上、巴士和电车上酝酿眼泪，她笑道：“试过有次喺飞机练喊，隔篱𠮶𠮶唔识嘅。之后开始有啲眼泪，我就望一望隔篱𠮶个，佢冇望住我，我就Ok，可能佢觉得我傻嘅。”

妈妈梁小玲亲自下厨留𩠌慰劳女儿

赵希洛做好自己，只希望时间流逝，父母最终会接受自己的选择。虽然夺下最佳女配角后，爸爸落下一句的“咪又系主角隔篱𠮶个。”如箭穿心，幸好妈妈近年已逐渐有所改观。梁小玲不会说出认同二字，但当女儿披星戴月拍完戏，浑身倦意驾车回家时，一开门映入眼帘的便是餐桌上她亲手煮好的饭𩠌和靓汤。赵希洛忆述道：“拍紧《十八年后2.0》𠮶段时间工作比较频密啦，又搭住《爱·回家》，佢会整返热啲𩠌。有时我揸紧车返屋企啦，我就会问你哋有冇净返嘅𩠌，而家有个Break，我想返嚟食少少嘢，我妈咪都会整返热啲嘢食畀我。”

钟意男友够体贴：人工几多佢从来唔会干涉

除了家人外，赵希洛有一位感情稳定的男友。本以为赵希洛不愿多谈伴侣，她却笑着摆摆手道：“都问过晒㗎啦！”赵希洛男友从不过问她的收入，不问多余问题，个性体贴、两人相处自然舒服，她说：“佢唔会畀过多压力畀我，我冇工开、人工几多佢从来都唔会干涉，呢样嘢我觉得好舒服啰。佢唔会问‘点解你冇工开嘅’、‘成日都喺屋企嘅’佢唔会讲呢啲说话。”

即睇赵希洛IG靓相：