专访︱林德信入行十年事业不再被动：唔制造机会畀自己，边个会？

亚洲最大型户外NFT艺术展览“ARTAVERSE”早前登陆中环海滨活动空间，林德信（Alex）与WASHI JEANS创办人吉川浩幸先生合作，打造一场崭新的时装艺术剧场体验。吉川浩幸先生展出花逾二十年研究、以和纸打造的牛仔裤，每条牛仔裤的背后都包含着无数的工序以及独有的故事。他更将WASHI 2021《The Life on Earth》系列中名为“AKATSUKI晓”的牛仔裤送赠Alex，而Alex亦以这份礼物为灵感创作出多幅画作，实行将时装与艺术融合。两位接受《香港01》专访时大谈合作感受，而Alex亦对吉川浩幸先生的坚持和追求深表佩服。

吉川浩幸先生花21年研发和纸牛仔布　将日常生活融入牛仔裤设计

吉川浩幸先生说“AKATSUKI晓”与Alex的性格以及形象相符，故特意挑选这条牛仔裤送给对方，“系强烈嘅阳光，日出、正面嘅能量。佢（Alex）嘅性格都系好正面，好啱佢。”每条牛仔裤的背后都是吉川浩幸先生的心血结晶，经过整整21年的开发过程，他成功研发出和纸纱线，其后再利用纱线编织出和纸牛仔布，制作出以冬暖夏凉、轻量干爽为特点的牛仔布，“和纸系从树上嘅天然材料，最难系佢成日断，好似一张纸。点样做twisting，令佢成功变成布料。”

听到吉川浩幸先生分享每条牛仔裤背后繁复的工序时，Alex亦深深被对方的坚持打动，“21年时间研究，将日常生活融入牛仔裤设计，每一条裤代表每个人生阶段、生命出现的事件，包括爱情、结婚。每一个故事都好靓，佢讲嘅时候好简单，但愈谂就愈有层次。”

提起身穿的牛仔裤“AKATSUKI晓”，Alex佩服表示，“经过差唔多20间厂嘅工序、手功先完成，同香港人嘅节奏好唔同。系佢记得以前细个住好旧式村屋，趟门就有和纸。到佢大个做Fashion就醒起和纸好犀利，冬天保暖、夏天又凉，就谂有冇得将呢个技术同牛仔裤Mix埋，于是就设计咗和纸嘅fabric。”对于今次的合作，他们满意之余亦很喜欢两种文化的结合，Alex欣赏吉川浩幸先生的细心和追求，而吉川浩幸先生亦非常欣赏香港人的速度。

入行十年学会主动争取工作机会　“如果机会唔制造畀自己，咁边个会？”

谈完二人的合作，Alex亦有分享自己的工作动向。适逢今年是Alex入行第十年，他希望可以主力做音乐，“初初入行系好想做音乐，而家我问番自己，系咪仲好似十年前咁钟意做音乐？我仲有呢个决心，好想做多啲，因为呢十年储咗啲经验，会唔会比十年前嘅我有进步？而家系独立（歌手），做音乐唔可以有期望，总之想做就做。”

比起十年前，Alex的进步是在事业上变得更主动，不再被动地等待机会，“更有自信自己畀机会自己，加埋而家系独立，如果机会唔制造畀自己，咁边个会呢？”而第一个尝试就是与WASHI JEANS、BOTANIC UNION合作举行的崭新时装艺术剧场体验，首次做音乐导演、制作人以及编剧，过程好玩之余亦令Alex构思将来个人演唱会的可能性，“开骚未必会好似香港人睇开嘅演唱会模式，希望可以Develop多啲。”成为独立歌手后，Alex表示比起有公司时自由度更大、与合作单位的沟通更加直接和快捷，但换来的就是资源的减少，收入有因而受影响吗？他反而指现时管理金钱上变得更精明，“你问我之前收入系几多，我都唔知，可能𠮶时后生对钱冇乜概念，以前有啲stupid。而家要自己了解，就开始有自己要求同睇法，系一个进步。”

Alex渴望踏上《声生不息》舞台　“呢个机会唔系个个人有”

爸爸林子祥正参加内地歌唱节目《声生不息》，林德信坦言很想参与节目，“疫情第一年，我见到佢好闷，因为疫情前佢好忙，不停去唱歌。我见佢上年有番工作，个人即刻醒番、开心番。平台愈嚟愈大，《声生不息》系全世界都睇紧，唔系个个人都可以踏上呢个舞台，如果我都可以上到去，一定会去，一定会做足所有功夫，因为呢个机会唔系个个人可以有，要好好去珍惜同增值自己去做最好嘅表演。”看到爸爸与叶蒨文（Sally）每一集的表现愈来愈出色、愈来愈享受，Alex可说是完全放心，“都唔使担心，佢哋咁有经验。”

对于近年北上发展的艺人，不少网民都认为他们选择离弃香港市场和观众，Alex认为大家应该单纯从音乐角度出发，“呢个问题好复杂，我只会用音乐嚟讲……音乐嘅梦想净系想揾到观众同你一齐，喺香港又好，去第二度又好，就系咁pure嘅接触，唔需要谂到咁复杂。透过音乐分享讯息，揾到呢个connection系最紧要。而家好多人上内地，因为揾到啲观众，揾到啲机会，净系呢样嘢。”至于挂着星二代的名衔压力大吗？他说控制不到别人的睇法，唯一可以做的就只有做好自己，“好多嘢会令一个星二代有负担，如果佢真系好爱自己嘅工作，只需要Keep住做好自己嘅作品。一定会有好多人觉得你系Daddy妈咪嘅影子，啲人点讲你、点睇你控制唔到，控制到嘅系你准备好自己。”