21克公寓｜残奥代表陈浩源冇麻醉下截肢：不断痛醒再痛晕

由小仪和C AllStar成员On仔（陈健安）主持的ViuTV节目《21克公寓》昨晚（20日）首播，第一集邀请到两位东京残奥港队代表陈浩源和危家铨大讲生死话题，分享当年濒临死亡边缘的经历。

去年在东京残奥摘铜牌的37岁港队羽毛球轮椅运动员陈浩源，在节目中提到自己14年前在内地工作回香港途中遇上车祸后扭转人生的经历，他表示当时的他已即场晕倒，但因为消防员在没有帮他麻醉的情况下为他截肢而不断痛醒兼痛晕：“架车夹住咗我，掹唔到我出嚟，因为我会失血过多而死，所以（消防员）抢救嘅过程我系冇麻醉嘅，切嘅时候完全系冇麻醉，痛醒，醒完之后再晕，晕完之后又醒。”

On仔听完后超惊讶：“所以你𠮶阵唔系完全昏迷？”小仪亦听到皱晒眉头：“连一针麻醉都冇？”陈浩源幽默笑言：“应该冇，因为（消防员）当时要即决定要掹出嚟定唔掹，如果唔掹（我）就会失血过多（而死），佢哋都唔系用手术刀，而系用开山锯，即系劈树𠮶啲，得州杀人事件𠮶啲！直到返香港成个手术完晒，我就喺ICU醒返！”

50岁的东京残奥射箭代表危家铨亦有分享当年险魂断铁路的经历，当年他只得27岁，在九龙塘地铁站等车时突然有精神病病人从后把他推落路轨，列车收掣不及活生生把他的右腿辗断：“𠮶刻其实系冇任何嘅痛楚，因为太快，我𠮶刻摸下自己，直到摸到我只右脚，系冇嘅，系地下嚟。我第一个谂法系要揾番自己只脚，唔知点解我当时咁冷静，全清醒，直到入救伤车嘅一刻，先开始有痛楚。”他坦言上救护车之后开始觉得很累很想睡觉，但内心不断为自己打气：“真系好似电影咁，突然间见到好似人生嘅走马灯咁，由细个开始一次过睇到晒！”

两人都表示自从意外发生后都曾经经历过一段人生低潮，陈浩源忆述当时在医院感到很迷惘而落下男儿泪：“好想喊，当夜晚嘅时候揾张大被冚过头自己喺度喊，以为无人知，后尾啲护士熟咗同我讲返‘你喺度震点会唔知？’”他笑言在家人、太太和好友的帮助之下，终于成功走出阴霾。

危家铨则表示自己从来没有想过会避开这个意外：“人嘅生命有好多选择题，但有啲事情系你冇得选择，一定会发生嘅。”陈浩源亦乐观面对人生：“人生只系活一次，你有责任去令你嘅人生活得更有意义同精彩，你冇能力去决定件事发唔发生，所以你接住落嚟只能够去接受。”

小仪和On仔见到两位如此积极乐观的人生态度大为感动，On仔亦分享指自己于C AllStar首夺新人奖时曾看到人生走马灯：“𠮶段路个脑闪过好多爱我或者我爱嘅人，回顾返好多唱歌嘅片段。发现原来呢啲人就系生命中最重要嘅人，提醒自己要去爱护佢地。”