TVB电视剧收视陷低谷 视帝陈展鹏保持乐观：你输咪练好啲啰
撰文： 邱爱霖
出版：更新：
陈展鹏今日（19日）现身荃湾出席新剧《童时爱上你》宣传活动，同场有张振朗、胡枫、杨卓娜等，女主角高海宁透过视讯出席活动。近日TVB剧集收视低迷，高层曾志伟曾透露希望改革TVB剧集制作模式，快拍快出剧集，《童时爱上你》便是拍毕即播映的电视剧。
面对近日开锣的三台电视大战，尤其开电视近日加入战团，重金购入回归剧《狮子山下的故事》及《黑金风暴》抢观众，TVB收视要回复正常水准可能要再加把劲。
对此，陈展鹏称没有留意收视，但认为有良性竞争是开心事，他说：“可能系因为我以前系运动员，运动员你讲冇用㗎嘛，你比赛入面发挥有几多啦，你输唔紧要㗎，你输咪练好啲啰，但你要知道输啲乜嘢啰。我成日都Keep住一个运动员心态，演戏都系啦，我角色谂𠮶样嘢去演，但演出嚟唔系𠮶样嘢，我咪即刻调整啰。咁我都要知己知彼。”
《双生陌生人》因收视低迷删减5集，问陈展鹏如何看待主演剧集收视差一事，他认为作为演员只可尽力去演，播出后观众反应和收视不是控制范围内，他说：“件货几多钱、感受系点，唔轮到我哋管，同埋我哋都唔需要睇住呢样嘢去演。”他又说：“观众眼睛系雪亮，佢睇到好清楚发生紧咩事。好似呢个演员状态唔系咁好、因为佢唔舒服；或者呢个角色唔系好适合佢，但佢都好尽力去演，呢样嘢先我哋需要做。”