肥妈孖黑妹搭港铁好迷惘　笑姊妹要问客服转头自己问︰点样入㗎？

现年68岁的肥妈（Maria Cordero）有开设个人YouTube频道，她不时会分享煮食片、做运动片段和分享日常生活等等。近来她孖好姊妹黑妹（李丽霞）频频有新搞作，日前，肥妈在YouTube就上载一段跟黑妹搭港铁的片段，她的片段以“好耐无搭过地铁 今日同黑妹一齐搭地铁过海！”为题，全程自拍影住她们的搭港铁情况，看得出二人不是太熟悉铁路的路线，被网民笑似大乡里，更有人惊呼︰“哗！有钱人搭地铁，肥妈好似好惊青。”

肥妈在片段一开头笑说︰“我哋两个傻婆游地铁，因为我哋过海搭个9银钱，几大都用一用先！”她们行完楼梯先发现有电梯，之后二人一边行路一边倾偈，黑妹说︰“阿妈你搭过未㗎？（肥妈︰未啊！而家两蚊有咩理由唔搭啫！）使唔使问吓客务部？（肥妈︰有冇搞错啊！搭地铁都问客务部？嘟入去啦！喂，点样入㗎？）”似乎她们都对于搭铁路都好唔熟。黑妹分享说︰“我正话呢唔识，问人我去返尖沙咀、佐敦道坐咩线，佢话你揾荃湾线啦！口在路边（路在口边）。”

肥妈和黑妹上车之后，肥妈似乎好紧张，问黑妹︰“金钟落车转柴湾线（应该是港岛线）？”黑妹答︰“系啊！唔识就问，我唔识睇𠮶啲㗎！（意指港铁路线图）好彩你识问啦！”黑妹又说︰“（开得）好快啊！如果我哋揸车……（肥妈︰唔得喇！有排。）”之后肥妈又问是否搭柴湾线，睇落好紧张。到金钟转车的时候，黑妹说︰“我哋识转车啊！（肥妈︰梗系！）我哋去柴湾咩？（肥妈︰我哋去铜锣湾，要转柴湾线。）而家喺金钟？（肥妈︰系。）”二人再点头确认。她们更遇到粉丝求合照，二人都表现亲切。

搭完一转之后又再搭，肥妈和黑妹在尖沙咀站找出口找了一段时间，因为尖沙咀站比较多出口。由于肥妈脚不好，所以好少行好耐，肥妈说︰“出咗嚟差唔多12个钟啦！（黑妹︰仲要坐地铁㖞！我哋未试过㖞！享用政府1个9嘅优惠）抵啊！”睇完片段，网民纷纷留言︰“见你哋搭地铁好好笑”、“搞到好似大乡里”、“哗！有钱人搭地铁，肥妈好似好惊青”，但仍有人大赞她们贴地，留言说︰“两位贴地的长者”、“名人好少搭地铁㖞！”

点撃下图睇吓肥妈间豪宅：