前TVB演员罗浩铭杂巢后亮相开电视　打得又煮得系住家好男人

前TVB演员罗浩铭（Ken）离巢后， 首次参与开电视煮食节目《30分钟大放𩠌》录影，他表示：“第一次拍煮食节目好紧张，因为要煮埋比其他人食，平时煮比自己食，几难食都无所谓。”

拍摄前他做足功课，在家先尝试煮不同菜式，练习煮食过程的他说：“我之前已经系屋企试过几个唔同嘅菜式，有啲好似太简单，有啲要煮嘅时间太长又唔适合系节目煮。”今次罗浩铭煮爽脆手撕鸡和京葱爆炒羊肉，拍摄现场使用电磁炉，在家使用明火煮食的他表示：“原来控制火候同煮嘅时间会有影响，会令到味道有唔同，平时我自己食得比较淡，煮比人地食，味道可以重啲，如果唔够味就可以随时加酱，比人地有得拣，都可能系好事。”

其实Ken都喜欢煮食，但机会比较少，他说：“煮嘅话要好多时间准备，如果忙紧拍嘢就好难有时间。平时都系大时大节先会为屋企人煮一个𩠌，如果全部𩠌靠晒我，肯定有排无得食，钟意煮完比妈妈评价。”喜爱美食和健身的罗浩铭表示：“如果唔驶拍嘢，一个礼拜至少去健身四日，变成咗习惯，我每日只食一餐，咩都食，无特别戒口，唔会超过2千卡路里，尽量避免食糖份，保持一个身形二十几年都唔容易㗎。”

最近Ken为喜剧电影《夜校》进行拍摄，与詹瑞文、葛民辉、徐浩昌(肥肠)有对手戏，角色有新挑战，但未能透露，希望观众会喜欢。