MIRROR演唱会｜Edan明白粉丝买唔到飞心情：令人失望系最辛苦

“6胶”吕爵安（Edan）、岑珈其、魏浚笙（Jeffrey）、徐浩昌（肥肠）、黄正宜（阿正）及刘沛蘅（Hillary）今日（10/6）于主题乐园拍摄ViuTV综艺节目《胶战SSP》，Edan接受访问时透露今次是Call Time最长的一次：“系特别篇，得一集听闻有90分钟，S3都唔知几时有得开，畀大家止下瘾先。由凌晨3点半Call到今晚12点，㖊晚特登嚟酒店瞓两、三个钟。”

来到主题乐园当然少不免玩机动游戏，Edan坦言自己和珈其都非常害怕：“我好啲因为受过训练，但珈其就辛苦啲，佢仲惊过我同好担心，本身佢有坚决唔玩，我哋说服佢，都好想佢陪我玩，有个惊过自己嘅人一齐玩好似会冇咁惊。”《胶战》受香港观众喜爱，问到会否想冲出香港，Jeffrey说当然希望，亦想将欢乐带给全世界，Edan同意表示希望可以出埠拍摄：“如果可以去到韩国同《Running Man》嘅成员crossover，咁就真系癫。”

拍摄完《胶战SSP》后，Edan便会专心准备7月的红馆演唱会。今日是“MIRO场”门票开卖日，不少镜粉再次经历“不断重试”却失望而回的过程，Edan轻叹一声说：“令人失望系最辛苦，见到好多粉丝喺telegram讲，以为自己得，点知最后又唔得，好明白大家心情，相信大家都觉得好攰，点解睇个演唱会都咁难。都有好多原因，可能个伺服器要再叻啲，希望未来可以开多啲场、有网上live睇，伺服器叻啲就少啲呢啲问题出现，大家都容易啲买到。”Edan明白粉丝会失望，但希望各位会继续支持MIRROR。

最近有网民在Edan与黄德斌的合照留言指“睇mirror、collar死全家!!!一定会!!!”，Edan神回该名网民指：“咁如果唔会呢”并加上一个流泪emoji，他解释不是与网民正面交锋：“问问题啫，好多时大家喺网络上会随所欲为，用言语比较冲动少少，大家可以啲爱同包容，大家都会舒服啲。”