林作收无线律师信未惊过　霸气回应预打官司：唔会道歉我冇错

林作早前趁无线展开为新一届《2022香港小姐竞选》造势招募参赛者时，在社交平台发表一番“香港小姐9成系猪趴（扒）”的言论。随即辣㷫无线高层向他发出的律师信，指控他涉及诽谤，并要求他在6月7日下午5点前作出回应，否则会采取进一步法律行动。故今晚（6/6）林作特此在7时半举行网上直播就事件回应。

林作开咪直播前接受《香港01》访问时说：“其实我唔介意人哋话我系抽水王，因为抽水呢样嘢我正职嚟，同埋系我嘅专业，甚至乎系我神圣嘅使命，咁所以我要对得住抽水王呢个称号。而简单嚟讲呢单嘢，我系唔会道歉，而且我冇错。但我会喺直播度讲清楚件事，其实大家都可以留意吓我写个只‘趴’字，同𠮶只‘扒’字好唔同，咁所以呢度系有得讲。”

被问到有否足够资金打官司？林作招积表示：“首先资金系充足嘅，系因为上年打完𠮶场拳赛，多谢钟培生打赏咗九十多万现金俾我。而打官司对我嚟讲就好似食生菜咁，唔单止我唔怕呢单官司之外，仲对我嚟讲系技痒。（你谂住自辩？）因为始终我去到法院系如鱼得水，自己都冇谂过同法庭咁有缘份，可谓再续前缘。咁所以要谂向大律师公会续牌先，然后到时再为自己问自辩。（有冇信心赢官司？）信心我就百分之二百有，反而我担心无线有冇信心啫。”