“御用有钱佬”黄子雄自爆入行原因：电视台可以识多啲女仔

黄子雄早年曾在英国留学，返港后曾饮品包装公司任职市场推广品牌经理，其后在朋友的介绍下担任明珠台节目主持。黄子雄日前接受香港电台节目《安哥同学会》访问时，表示之所以会放弃高薪而入行，其实系因为“本身圈子入面，女仔唔够多。入电视台可以识多啲女仔。”果然够坦白！

入行27年，黄子雄做过唔少角色，但就从未试过担正，不过他坦言如今心态并非等机会，而系享受生活。黄子雄透露之前试过冇工开，但就从未感到担忧：“妈妈之前脑退化，佢唔觉自己有事，直到跌倒要入医院，我要请看护姐姐照顾佢，由医院到佢返屋企，我完全冇剧拍，但我又觉得OK，直到我安顿晒所有嘢，就收到公司电话，19年我拍咗4套剧，所以冇剧拍又真系唔担心。”

唔少无线艺人都会经营副业维持生计，黄子雄过去都接唔少主持工作。“而家唔系好享受做MC JOB，以前一讲嘢大家都会静，但而家完全唔会，同埋我有一定年资，所以我开得呢个价，如果对方又接受咪做啰。”黄子雄做过唔少“有钱人”角色，但其实佢家境并非十分富裕，如今能够过上安稳生活，全因投资有道。“我人生最多MC JOB系喺亚视嘅《慧珊时尚坊》，一日三单，一星期可以有六日都系咁。就系因为揾到呢笔钱，再加上投资又OK，所以而家生活安稳，不过我单身先可以，如果有家庭又唔同。”