日日妈妈声｜轻度弱智家姐以弟为荣　方绍聪哽咽：佢戥我更加开心

《日日妈妈声》第二辑，由6月5日起紧接两小时加长版《声生不息》、逢周日晚10点半翡翠台播出。昨晚（5日）播出的第7集，请来关心妍、周志康、方绍聪（奶仔）担任嘉宾，其中奶仔更带同饼印妈“美丽姐”齐齐参与录影，场面温馨。

出身于普通家庭的奶仔，与爸爸、妈妈及患有轻度弱智的家姐感情要好。虽然家姐未能以言语与奶仔沟通，但奶仔笑指二人默契十足：“好多人问我同家姐点沟通，其实我哋由细到大相处咗好耐，所以可能一个眼神已经知对方想点，或者少少嘢我已经知佢系开心定唔开心。”奶仔又谓十分难忘家姐看到自己在《特技人》中演出后的开心反应，奶仔说：“𠮶时成家人一齐食饭，咁啱电视播到我嘅画面，家姐睇住个电视，企起身好开心系咁拍手掌，仲行出去指住部电视，再行埋嚟揽住我，同其他人客讲：‘呢个系我细佬’。”说到此处，奶仔硬咽谓：“我𠮶刻好感动，我以为我开心，原来佢戥我更加开心。”奶仔续指庆幸在无线努力工作了十二年后逐渐有人认识，故希望能透过自己小小的知名度，让更多人关注弱势社群、尤其弱智人士。

奶仔妈妈“美丽姐”虽然要同时凑大奶仔及轻度弱智长女，但她依然乐天开朗、没有怨天尤人，她笑言最希望是自己和家姐身体健康，这样二人才能一直一起走下去。“美丽姐”还大爆奶仔出生时的小秘密：“佢出世已经有八磅二，我生佢好辛苦架，我生佢时因为太用力，块脸爆晒微丝血管。”“美丽姐”续指奶仔小时候有专属二人的亲密行为、促进亲子关系，她说：“我餐餐都要同佢碌咭，我哋用脸嚟碌咭咯！”奶仔闻言即接招谓：“所以我哋个样咁似系有原因，我哋依家少咗咁做，会改为请佢食嘢或周围去。”奶仔又不忘讲笑谓：“依家碌咭同锡锡转咗嚟追女仔，系Work嘅。”又谓希望自己能像妈妈般一直做个开心快活人，场面温馨。