余德丞一入TVB因太有主见得罪人：监制觉得你好似想做埋导演咁

余德丞（Dickson）5月宣布离开无线（TVB）回复自由身，近日他受邀上YouTube频道“FHProductionHK”接受访问。余德丞忆述刚入TVB之时，因不时提出对节目的意见而得罪人，他说：“一入去我就做儿童节目啦，半年一年𠮶啲呢。我都已经好似大佬咁喺度行㗎啦！‘呢样嘢会唔会咁样好睇啲呢、咁样舒服啲呢？会唔会啲人其实钟意睇呢啲呢？’监制都觉得，咦你咁多意见，好似已经想做埋导演咁㗎啦......为咗件事靓而去做好多嘢，但好多人都觉得，关你鬼事咩？你唔使做呢啲嘢啦！”

虽则余德丞自认得罪不少人，但他在TVB 8年间可说是平步青云，今年初升任男主角，主演电视剧《青春不要脸》。余德丞忆述当初完约后，有一、两个月都感不安而难以入眠，但到了33岁，余德丞希望有新尝试，他说：“真系要再续一张约，可能就系N年啦！你呢个时候去到呢个岁数，你再唔行出呢一步，可能就冇机会。”他形容挣扎过程是“九死一生”：“你喺悬崖，𠮶条友杀到埋嚟，你都要跳㗎啦！你跳可能九死一生，但至少有一生。”

主持“熊仔头”问备受重用之际突然离去会否不妥？余德丞则认为：“我签𠮶张长约系6、7年前㗎啦㖞，佢畀得钱我，我都系有做嘢㗎嘛！咁当然大家都有付出㗎嘛。我每年都好勤力工作㗎！某程度上都系合约条款嚟，冇办法啦，真系合约到期。方丈唔系咁小气嘅我觉得。”他又笑称不怕上ViuTV会得罪TVB：“世界阻我唔到啦已经，我决定行自己。”

余德丞近日为YouTube频道“9BoThew 胶保废”担任嘉宾试菜，他批评该餐厅食物难食，惹来疑似餐厅老板留言，扬言要告三位主持。余德丞于“FHProductionHK”新片正好提到，离开TVB后，无论讲波抑或拍节目均可畅所欲言，他说：“（以前）你拍饮食节目，人哋借𠮶场畀你拍㖞，咁你敢唔敢呀？以往嘅情况之下，你都唔系好敢去讲，究竟佢系好食定唔食。”他又在片中即场大弹四季豆炒得“太湿”。

惟余德丞仍然感恩TVB培育他，余德丞认为做人要饮水思源，他说：“喺旧公司咁多年里面，我系学到嘅嘢全部都系佢以前教落㗎！冇我刚才讲嘅儿童节目监制，冇佢畀咁多机会我，我能唔能够做到而家嘅自己呢？”余德丞坦言全赖TVB给予他机会尝试，他才能在叱咤电台节目《口说多过浪花》分享丰富的人生阅历。

点击睇余德丞于YouTube频道“9BoThew 胶保废”试伏片段：