江嘉敏衣着品味被弹　望搣甩“时装车祸”：终于知自己问题喺边度

现年27岁的江嘉敏（Kaman）加入TVB短短几年备受力捧，但外表甜美的她，却因衣着品味频频“出事”而成为焦点，虽然她每次出席大骚都盛装打扮出席，但就因“着错衫”而被外界封为“时装车祸”的代表人物。日前Kaman在接受郑裕玲（Do姐）主持商台节目《口水多过浪花》访问时就坦言自己不太会打扮，更直言自己化妆几恐怖，对于被指是“时装车祸”，她就解释道：“可能𠮶件衫其实靓嘅，所以我睇相嘅时候就觉得呢件衫几靓，我又冇谂到咁深层次嘅就系原来件衫可能系唔啱我身形着，可能我嘅身形要着啲遮手臂呀，遮呢度遮𠮶度，我就冇留意呢啲嘢啰。”

Do姐再追问道：“咁你着咗上身呢？你自己睇觉得OK嘅咁样？”Kaman答道：“因为我觉得件衫好靓呀，我就完全冇留意到整体，个妆呀、头呀衬唔衬，我会系分开咗嚟睇啰。”Do姐建议她可找造型师帮手，Kaman笑言会考虑下：“其实之前有揾朋友帮手。（𠮶个朋友绝咗交喇而家？）冇冇冇，朋友其实好好，因为我个人系比较坚持嘅，佢哋有劝我嘅，但我就好坚持，我觉得呢件衫真系好靓，咁其实自己衰啰，又唔听人讲。”

点击下图回顾历年“时装车祸”：

Kaman认为并不是件衫有问题，而是因为不适合自己才惨变“时装车祸”，她更笑言以后会改进：“我一定系着啲前短后长嘅，见到对脚嘅，但上身可能尽量遮到就遮晒佢。（就唔好见到手臂？At least而家都知道系咁样嘅？）系，我终于知自己问题喺边度喇！”

Kaman在2017年凭剧集《亲亲我好妈》而成功上位，纯情学生妹的形象大受欢迎，但之后就多次传出拜金女、收兵、呃手信等负面新闻，甚至被指介入王浩信与陈自瑶的婚姻，Kaman坦言自己因性格冲动，难免惹来是非，更表示希望可以远离是非：“我今年已经尝试唔好讲咁多嘢，我把口真系忍唔住，无论系放嘢入去，定系攞嘢出嚟，真系收唔住嘅。”Do姐亦劝Kaman不要太火爆，多多注意自己的言行举止，Kaman亦听话表示以后做任何事之前一定会三思！