陈展鹏53小时冇觉瞓？ 拍《天命》真系攞命：拍完讲好要唞一排！
撰文： 郭敏玲
出版：更新：
陈展鹏及胡定欣出席香港影视博览的TVB节目巡礼，宣布本年度剧集之一《同盟》。问到剧集会否如《城寨英雄》般食住暑假黄金档期出街，两人表示：“当然想在多些人看到的时段播啦，不想放喺新年好似嘥咗，我都问过Jazz（监制文伟鸿），佢都实牙实齿话今年实出到街，不过几时就留返公司决定。”
两人各自担正TVB 50周年重头剧，陈展鹏形容拍《天命》要咬紧牙关，除了之前试过53小时冇瞓过觉，煎Pan仲话搞到自己五劳七伤：“搞到自己好似豆腐咁，真系拍到周身伤，尤其个菠萝盖，都惊之后转天气会痛，之后又有大感冒，拍完呢套讲好咗要唞一排，希望‘大难不死，必有后福’。”