张敬轩演唱会︱晚晚超时罚款过百万　轩公笑言有向老板跪玻璃

《张敬轩The Next 20 Hins演唱会》昨晚（29/5）来到尾场，轩公除破天荒请来三位演唱会嘉宾，包括王菀之（Ivana）、MIRROR成员陈卓贤（Ian）和柳应廷（Jer）外，更破记录唱至凌晨1时15分。轩公骚后接受访问时说完成26场个唱非常开心：“终于可以瞓个安乐觉，好圆满，touchwood除咗一、两场机件有少少故障，但比起我以前嘅演唱会，如果咁多机关嘅话，今次已经算好好，我畀自己80分。”

早前的一场演唱会因音响故障令earmon出现问题，不少粉丝非常担心轩公的耳朵受损，他笑说：“炸完之后Wee咗一晚，不过唔紧要，依边只耳仔都坏坏哋，都唔争在𠮶下，当然会自己处理得小心啲。但冇办法，同事都唔想。”他续指当晚出了一个IG限时动态，讲述当晚的感受：“觉得唔开心系大家都畀咁多钱买飞入嚟，甚至乎有啲朋友想睇多场，我唔鼓励大家买黄牛，都冇办法买咗，我觉得每一晚都要喺个Standard…自己𠮶晚状态其实几好，但因为音响问题，冇啦因为完美主义者嘅缺点。”

在众多份的嘉宾礼物中，轩公说最深刻和感动的是Ivana的亲笔信：“我哋真系太多回忆，走南闯北，有过好多次好惊险经历。出嚟做骚真系咩人都见过，俾啲社团人士闩埋喺间房度，困住成晚都有，所以对佢嘅感情系唔同。”另一份令轩公同样惊喜的还有Ian的模型车，他说小时后非常渴望拥有玩具车：“但细个屋企环境唔系咁好，所以好恨有𠮶个size嘅铁皮车，今晚攞出嚟嘅威力，同Ivana嘅𠮶封信都有得挥。我又觉得几廿岁喺个后生面前，we哗鬼叫会吓亲人哋…佢份礼物系弥补咗我嘅童年缺失，所以我会将架车放喺睡房度。”

演唱会场场Encore，场场超时，轩公透露：“截至今日晏昼，今晚未计，罚款系过百万，白做。”他笑言超时的时间足够开多一至两场演唱会，亦指有向老板“跪玻璃”：“唔系蚀钱，但系一味咁罚。但老板系一个好通透嘅人，佢话冇嘢紧要得过观众对你嘅支持。（冇扣你人工？）呢个佢又冇讲，我就唔提啦呢啲位。今晚我其实想继续唱落去，但冇办法，红馆始终系政府辖下表演场地，同事受劳工法嘅保障，下次谂吓7点开骚，一收工就过嚟，喺门口买埋饭盒，遮遮饭盒。”