Winka@COLLAR“破例签名”一句被放大兼被批大牌　网民反应两极

早前人气女团COLLAR于张敬轩的红馆演唱会做嘉宾，却被网民批评表现未如理想，频频走音兼似唱K之余，又被网民指未够班不应该上红馆。近来又有网民翻出较早前成员Winka（陈泳伽）的直播言论作出讨论，Winka谈及曾遇到粉丝不礼貌的对待，她直言平时粉丝想要签名、合照等，的确会带来不便，但“真系feel到对方好钟意自己𠮶啲，就会破例。”此句就被网民发酵，有人更直指她“大牌”。

Winka于5月20日开直播，而《Viu1 娱乐新闻》亦有剪辑她部分直播的内容作报道。她于直播中谈及自己出道之后遇到的不礼貌对待，她说︰“因为我曾经试过，我食紧饭，同朋友喺度食紧饭讲紧玩笑，突然有间有一个应该系喺𠮶度做嘅侍应，突然间喺我面前掉咗张纸落嚟，‘签个名啦！’咁样，咁𠮶啲我就会话签名唔系好方便。”

之后Winka又说︰“因为其实我哋签名系真系唔方便嘅，其实我哋影相都真系唔系咁方便嘅，呢个系真嘅，但系真系feel到对方好钟意自己𠮶啲，就会破例，但系如果feel到对方系好奉旨好冇礼貌𠮶啲，我就会话唔好意思，我哋唔系咁方便，我就会唔签，就会有礼貌咁婉拒，因为我觉得咁样先可以对得住一啲真系真心钟意我哋COLLAR，同埋真心钟意我、支持我嘅人。”

而Winka这段说话的部分对话就被网民剪出并放上网，引来网民反应两极的讨论，有人觉得她的说话失当，表示︰“新人用‘破例’呢两个字真系好难听”、“MIRROR都未咁大牌”、“巨星心态”、“天后级口吻”等等，不过亦有人力撑Winka，觉得她的一番话没有问题，纷纷留言表示︰“佢只系唔识讲嘢啫”、“人哋话唔方便，一定系公司有啲规定，如果佢可以随便签，咁就签咗啦”、“cut头cut尾曲解咗人意思”、“有咩问题？佢做紧嘢㖞，同埋佢都系话啲好rude嘅就唔签，都系有𠮶句讲𠮶句啫”。其实Winka出名EQ高脾气好，相信都只是受到不礼貌对待时才会婉拒粉丝。

点击下图看看ViuTV真人骚《我哋系COLLAR》记者会的照片：