丁子朗自爆曾半年冇工开想转行　拍剧受尽冷言冷语：你擘大个口啦

陈敏之的个人YouTube Channel 《Chi Chat》最新一集就找来丁子朗做嘉宾，丁子朗就分享当年以19岁之龄参加香港先生成为三料亚军后入行，凭着俊朗的外表和肌肉的外型，他承认一直有不少演出机会，但仍试过半年冇工开，令他一度迷失。

原本工作不断的丁子朗透露有近半年时间几乎零工作：“因为我一选完就好多嘢做，又拍剧又拍节目，突然之间有6个月冇嘢做，去到第5个月嘅时候我就系度谂我系咪唔应该做呢一行，有朋友叫我去考保险，我真系去考咗。（真㗎？）有两个试，我考咗一个，因为我系一定要做嘢嘅人嚟。”

除此之外，丁子朗又爆曾在公司受尽冷言冷语：“大家以为我好醒目，又做过大骚主持，但试过有一次我拍剧，临尾收厂28、29（凌晨4、5点），争我一个笑容，佢要我笑，因为𠮶时真系唔识做戏，我就系做唔到，笑唔得好，大家都好炆，大家等紧我。（即系唔合佢心意？）系，导演话不如嚟多次，现场就有一个工作人员就话，你擘大个口大家就收工啦！佢闹我（有冇粗口？）一、两个字，所以就觉得哗。（咁你咪好伤心？）好伤心呀𠮶下，但呢一件事好好，令我记得到而家，令我每下刻返工都唔会阻大家收工，呢个系我希望做到嘅嘢，第二就系你做得唔好会令其他人受罪。”