东张西望｜新冠患者康复后性生活大受影响：跌watt跌得好厉害

国外有研究发现，有男性确诊病患出现性功能障碍，甚至造成阴茎缩短。今晚播出嘅《东张西望》揾嚟两位曾确诊新冠嘅男士接受访问。40几岁嘅陈先生2月底时确诊，他指感觉有如做完大手术一样，就连喺屋企由房行去厕所都有气无力。陈先生表示由于当时已有报告指新冠康复者前列腺或许会受到影响，于是佢亦特别留意自己嘅情况：“第一、二次见到有小血块喺精液之中 ，但完全冇痛楚。亦试过未开始已完结，咁多年都未试过，好唔正常、好突然。（性生活受到影响?)会，避咗呢件事 ，太太留意到都问‘点解次次都系咁’。

陈先生在医生的建议下，去验液尿以及验精液，报告指出其液尿正常，但精液有红血球同白血球，代表有发炎情况，而精子数目、活动量、存活率全部都系唔合格，医生表示由于系新冠后遗症，所以暂时未有西药可以医治。

《东张》亦揾嚟三月时确诊嘅辉哥访问，辉哥表示康复之后，试过夜尿时感到阴茎囊之间有拉扯感觉：“喺性方面，九成男人都觉得自己威过人，自己知道自己能力去到边，但我跌watt跌得好厉害，呢个系确诊后康复的问题。”虽然暂时未有西药可以医治，但林志秀教授就话可以由中药肉苁蓉入手，肉苁蓉有补肾阳、益精血的功效。