阿正唔想做“一姐”想做“正妹”　Asha爆将同AK@MIRROR合作拍戏

ViuTV与Makerville合作的原创剧《大诚实家》今日（24日）于西贡进行开镜仪式。于综艺节目《胶战》凭爽朗个性上位的阿正（黄正宜）透露，今次在戏中会有爆喊一幕。阿正笑言现实中哭点奇怪，她说：“我系笑到喊。同埋我好钟意睇奋斗故事，好似之前睇F1纪录片《Drive To Survive》车手斗咗一百几场，终于攞到人生第一位啦，佢一冲线我就喊啰！仲有关于动物嘢会喊、啲人生BB嘅Vlog、求婚片又喊啦，喊啲位好奇怪㗎！”

阿正如今人气不比ViuTV亲生女弱，问如何看待部分粉丝称她才是真正“ViuTV一姐”，她惊慌笑住否认称号：“一姐𠮶啲就唔好啦！其实我仲好后生，入咗呢行唔系好耐，希望可以扮返一个妹妹嘅角色，正妹得㗎啦！”

至于凭《大叔的爱》人气飙升的Asha（徐㴓乔）首度饰演妈妈，她于现场拖住小演员手一齐拜神合照，“母女”感情融洽，Asha说：“其实本身话小朋友唔使出去拜神仪式，但佢都照拖住我，所以已经好亲切、投入咗角色。同埋本身佢一见到我都叫妈咪，所以有种好窝心嘅感觉。”

同过不少MIRROR和ERROR成员合作过的Asha透露，之后会再同Anson Kong（江𤒹生）合作，而ERROR只欠193（郭嘉骏）未合作过；Asha又笑言要储齐MIRROR成员“闪卡”仲有一段距离。