东张女神梁敏巧爆选港姐秘闻　有佳丽唔知咩系八达通︰唔系佢哋错

2019年落选港姐梁敏巧（Maggie）近来落力经营自己的YouTube Channel，日前她请来曾参加ViuTV 2018年的选美真人骚《广告女皇》的参赛者黄丹虹（Vickie）齐齐倾偈，大爆选美的内幕！而二人分别参加过不同电视台的选美，可以看看有什么不同！

《广告女皇》其实不太似选美，是以真人骚形式为主，参赛者要做不同的任务去争冠军。Vickie表示︰“Writer会为节目好mean咁问你一啲问题，或者有机会跣你，或者要你用完整句子咁答‘我觉得呢个参赛者比较蠢，系因为乜乜乜……’”Maggie觉得︰“佢已经对某啲参赛者有特定嘅印象，所以佢问咗啲特定嘅问题，𠮶个问题要你repeat讲多次个exact wording，某程上个意见唔系你畀。”Vickie指出为了节目效果的制作形成，“所以有时佢哋会有啲task嘅某啲片段，就会显示到𠮶一个参赛者做得唔好，然后就会cap咗𠮶段片嚟问另一个参赛者，所以咪会有呢个情况。”如果大家有看ViuTV的真人骚，相信都有看过这个拍摄手法。

讲到选港姐时，会否有人争曝光率、争镜头，Maggie承认有，“一定有嘅，有啲女仔会同其他佳丽讲‘我呢边面靓啲’，有啲就借啲意就摄过嚟。”但她觉得她们没有错。她指有时拍完一个镜头，大家以为她们会在保持最佳状态，但实际上她那年的佳丽都在倾偈，“大家纯粹做自己，冇我哋想像中咁aggressive，都比之前我睇开𠮶啲新闻mild好多好多倍。”但有时一些无心的动作，会被写成是“批肘”等举动，她解释︰“好多无心嘅举动，系因为你喺个焦点底下就会俾人无限咁放大，所以我觉得系大家放大咗啲好不经意嘅动作，而唔系真系写到咁黑暗！”

但Vickie就大爆当年比赛时，她亦听讲过如果跟导师friend一点，的确会比较顺利，“有听讲过隔离组，你如果唔得个导师钟意，咁咪俾人虾，虾到报纸、报道、剪接都会帮助个导师，会令到个参赛者无形中俾人抺黑。”谈到评判会否对参赛者有不同的偏见，她就大爆道︰“有一个好令各位女参赛者都反感嘅评判，就系每一次讲评嘅时候，佢就会不停咁用身材同埋个样去做评分准则，然后会讲埋出口，所以觉得几失礼同几唔啱听，听到会唔舒服。”她指对方是一个广告商的人员。

Maggie又再强调选港姐“冇大家想像中咁aggressive”，她说︰“成班女一定会讲边个边个攞，我冇讲系呃你，我哋会点样去估呢？其实我哋呢几个月入面，我哋系有唔同嘅program，可能系综艺考你急才，可能系影相睇你甫士同埋镜头感，一路都喺度睇紧你有冇潜质去成为一个幕前嘅人，一路都考紧你智慧，同埋你本身有嘅技能。”她亦表示︰“唔可以净系睇样，因为有啲女仔真系好靓嘅，大家都会话佢系大热，可能喺镜头背后，佢有啲表现可能系未必咁好嘅时候，佢咪有机会俾人foul，foul咗啲人又话唔公平啊，又话内定，其实唔系，因为真系睇好多嘢我自己觉得。”

讲起自己当年被标签为“陪跑佳丽”，Maggie似乎亦一笑置之，“佢会话我陪跑，我系完全唔mind嘅，因为我第一个心态系纯粹去见识，因为第一round咪会喺康城疯狂畀啲记者影相嘅，我系专登逃避摄上车。”她亦觉得选港姐亦会令人见识到另一个世界，她说︰“我听过有啲女仔同我讲，佢𠮶届啲佳丽系唔识搭巴士啦，唔知八达通系啲咩啦，唔剥皮唔知提子系咩，但系唔系佢哋嘅错，佢哋天生个家庭就系咁样，所以你要点样去同啲咁唔同嘅人沟通，同埋有时啲人咁唔同，佢讲啲嘢可能真系沟通唔到，因为佢哋唔明，所以你会觉得佢哋离地、扮嘢。”但她觉得只是因为成长背景不同而并非全部都是性格上的问题。

点击下图睇吓Maggie嘅靓相︰