杨千嬅纪录片感触讲到喊　陈奕迅爆两人多拗撬：我讲东佢讲西！

杨千嬅出道至今超过26年曾推出《少女的祈祷》、《小城大事》、《勇》等唱到街知巷闻的音乐作品，又曾夺过金像奖影后，无论在音乐还是影视方面都获得巨大的成就。近年她主力留在内地发展人气持续高企。今日（18日）在于内地推出个人纪录片《I · II · III MY STORY》，记录她由寂寂无名，到初出道及走到现时的路程：“感谢我旅途上的所有伙伴，感谢所有歌迷们的支持，与我一起编写美好的回忆。”

纪录片中邀请到陈奕迅担任做嘉宾，分享两人27年前第一次见面的点滴：“我系参加第十四届新秀歌唱大赛而认识杨千嬅嘅，就喺1995年6月25日，𠮶日有八个入围决赛嘅人喺礼顿道1号去签约，如果赢咗就会成为华星（唱片）嘅歌手，我好记得千嬅有一位朋友陪佢签约！而家谂返佢都几倔强，哗，25年，佢都系一个几唔系成日笑嘅女仔，呢个就系当时吸引到我嘅地方。”他表示当年参加比赛时差不多三个星期内每日都见到对方，觉得她其实都挺“男人”：“咁多年佢都冇变过，都系𠮶啲‘喂！陈奕迅！’，其实我觉得有少少粗鲁㗎！”相识至今已经25年，Eason非常感触：“佢应该系我喺呢行识得最耐，由未入行到做到而家，25年嘅一个朋友。”

Eason坦言初初与杨千嬅相识时，经常因工作上而意见不合过：“其实我同佢啱啱入行嘅时候会倾唱歌倾好多嘢，我哋系意见不合嘅，永远都会拗，我讲东佢讲西，我唔知佢有冇，我就真系有嬲！我会觉得，你会识得多过我？尤其是我细个，我细个假假地都皇家音乐学院，有文凭，我系八级声乐㖞，同我拗？我系（新秀）冠军㖞！”

在杨千嬅演艺生涯中，最重要的人必定少不了其前经理人黄柏高（Paco）：“同Paco合作呢10年里面，喺佢身上学到嘅嘢我系一世都会记得。Paco的而且确系我嘅音乐工作扩阔咗好多歌路，由歌手转型去做演员非常之困难，可能本身市场上面大家对杨千嬅已经有既定嘅形象同立场，当你要投入角色嘅时候并唔容易，就算我好努力做都好，不断听到‘做自己’同‘杨千嬅啰’咗好多年。”Paco则大赞，杨千嬅无论是在音乐上还是电影方面一样有史无前例的成就，简直就是一个超人。

杨千嬅由出道至今走到现在，她坦言当初那个心口有个“勇”字的杨千嬅已经不复存在：“当初嘅平凡对我来讲，其实我唔理解，我唔知道果啲叫平凡，因为当我得到好多批评嘅时候，我会觉得系唔系我唔够好，所以我第一次叱咤攞奖嘅时候，我真系唔系特别生得靓、冇几千万后台，净系心口得个‘勇’字系真㗎，因为我只系相信，只系用‘争气’两个字去强迫自己，死都要练好，死都要点点点，甚至走到今日，我望返转头原来当初嘅unknown同咁冇自信先系人哋最欣赏嘅地方，就系所谓嘅平凡。”

千嬅讲到非常有感触，更一度眼湿湿：“呢啲无数嘅平凡好难揾番转头，原来平凡系咁唔平凡嘅一件事，即系人哋唔会再以平凡嘅角度去睇我，因为我好想我个仔平凡！”Eason笑言以前杨千嬅可能心口确实有个‘勇’字，但现在的她可能心口有个“定”字！

点击观看更多未公开过的杨千嬅旧照：