张敬轩疫下开骚一波三折劲感触：唔想再喺张竹君把口听到我个名

张敬轩THE NEXT20演唱会进入第4场，轩仔连续三晚都同观众诉心声，坦言不想再于张竹君医生口中听到他的名字，今次疫情缓和补场，他有跟公司表达意见：“不如我哋揾过个时间再开啦，我真系唔想再喺张医生个口到听到‘张敬轩’呢三个字。我哋同事系咪可以送张飞俾张医生睇？佢呢三年都好辛苦。我又好担心明明大家好开心睇演唱会，我哋又好辛苦做好个制作，但系好多不明因素之下，令大家有人生安全忧虑。一月份暂停个骚后，我好多晚都好难瞓得著。公司同我讲，退飞观众唔够3%，我喺呢度真系要多谢大家，多谢每位观众喺呢二十年里面，对我包容同爱。”

第四场轩仔请来Dear Jane担任嘉宾，他坦言跟Dear Jane的缘份真的兜兜转转：“佢哋开演唱会，自己好想去做嘉宾，但又撞咗期；上次邀请咗佢哋嚟做嘉宾，啱啱好就系煞停咗佢哋答应嚟做嘉宾嘅日子，好彩今次大家可以真正相聚。”Dear Jane爆已认识轩仔十几年：“当时轩仔买录音机嚟我哋band 房，啱啱瞓醒个样。之前有一个好靓嘅录音室喺广州，免费借俾我哋用几日，准备埋食宿，三餐包晒！最特别系知我哋录完音好肚饿，连宵夜都准备埋，五，六年前，我已经教佢哋隔离，真系好细心，好多谢你。”轩仔就话：“我系Dear Jane Fans 嘛。”随后Dear Jane表示带备礼物送给轩仔，叫轩仔站在他们中间，然后四人一齐向他做心心手势，轩仔开心大笑，“我好少俾四个佬咁样，哈哈哈，好惊吓，多谢晒，Love You too！”