MIRROR官方Fan Club正式成立　会费$440一年迎新礼盒有啲乜？

MIRROR官方歌迷会今日（10/5）正式成立，MakerVille CEO鲁庭晖亦有在IG讲感想，他坦言与同事研究了好耐，因为有好多细节需要平衡：“因为呢个Project同搞其他Project好唔同。因为系粉丝，因为佢哋系MIRROR嘅一部分。呢件事，有血有肉。我几乎肯定，一路做一路会发现有好多超唔完美嘅地方。每个部门同事都好担心。我睇见都戥佢哋辛苦。今日终于Launch。我哋会尽力一步一步改善进步。”帖文中，他不但叫粉丝们多多包涵做得未够好的地方，还落力推销了迎新礼盒：“喂个Ｗelcome pack好似真系几靓咁。”

点击下图观看相关IG图片：

据官方网站显示，MIRROR官方歌迷会名为“MIRO”，一年会籍要$440，登记入会不但可以得到迎新礼盒（包括会员证、专属会徽襟章、精美立体拼图摆设、一套12张珍藏版明信片及纪念海报），亦可以得到订购MIRROR演唱会门票、MIRROR粉丝见面会门票和网上订购会员专属商品的机会。