梁思浩爆某港姐因化妆太丑落选？　严选真人靓过上镜女星有张栢芝

梁思浩主持的网台节目《大家“真”疯骚》不时大爆娱圈秘闻，而早前频道在YouTube重新上载上年的一集，由梁思浩、韩君婷和李思蓓担任主持，众人大谈哪位女艺人不化妆比化妆美、真人比上镜靓等等的话题。梁思浩在节目中大爆有一位大热倒灶的港姐佳丽被妆容累事，最后她由被公认是冠军人选，变到三甲不入，梁思浩更指她“化咗妆好丑样”，但却“戥呢个女仔唔抵”。

梁思浩在节目中说︰“我见过有一个好好笑，我话‘你搞乜嘢啊你，参加香港小姐咁嘅样嘅你’，佢原来唔适合化妆，佢化妆系丑样，我话‘你可唔可以同大会讲吓，可唔可以唔化妆’，直头素颜同你班友斗！”但当时所有记者都觉得这位港姐会赢，“因为记者见到佢真人啊嘛！”

但梁思浩又说︰“我一睇港姐啲相，我话‘哗，唔掂㖞，你化咗妆好丑样’，佢化咗妆系好俗气，唔靓啊！我话不如你落咗个妆佢去选啦，佢话唔俾㖞，原来唔俾落咗个妆去选㗎大佬？”韩君婷解释是一定要有化妆set头，因为全部都有赞助商。梁思浩续说︰“当年真系戥呢个女仔唔抵，佢真人唔化妆系靓过搽咗啲嘢上去，咁当然有啲系落咗妆吓死你，化咗妆易容咁。”最后他亦有开名，原来是2002年港姐的“最上镜小姐”得主嘉碧仪，梁思浩大赞︰“佢唔化妆系好靓！”

嘉碧仪的父亲是葡萄牙人，1984年香港小姐季军唐丽球是她的姨妈。嘉碧仪于2002年参加香港小姐，被视为冠军大热门，当年她获得最上镜小姐、纤体美态奖、超越自然肌肤奖、现场最受欢迎佳丽，可惜最后倒灶只入围最后五强。而她选完港姐之后只拍过几部剧集，她于2005年已退出娱乐圈，到美国完成她的律师课程，并于2008年毕业。嘉碧仪毕业后，定居于美国，唐丽球曾透露姨甥女已经是律师，但她仍然不断在进修读书。同是2002年的港姐佳丽今年接受传媒访问时也曾透露嘉碧仪现时在美国荷李活工作。

点击下图睇吓嘉碧仪嘅靓相︰

节目中的主持们亦有讨论过“真人靓过上镜”和“唔化妆靓过化妆”的女艺人，分别有张栢芝、陈慧琳、林青霞、杨宝玲和利智。至于上镜更漂亮的，梁思浩就觉得是周迅。

点击下图睇吓主持谈及过嘅女艺人同埋点样形容佢哋嘅样子︰