食脑丧B︱方绍聪深情演绎华伦感动观众　奶仔：觉得努力冇白费

丧尸喜剧《食脑丧B》前晚（4日）剧情讲到对余晨曦（朱智贤饰）痴心绝对的华伦（奶仔方绍聪饰），以“麦穗论”真情告白，却惨遭晨曦狠心拒绝，最后华伦一边落泪一边自弹自唱《凭着爱》自勉，不少观众表示被奶仔的深情打动：“佢笑住咁唱，节奏愈轻快，就愈令人心酸”。

奶仔接受《香港01》访问时表示，很开心终于能在观众面前表现另一面的自己：“有段时间喺TVB知道自己唔系好靓仔，唔系咁容易有机会，所以就学好多嘢，我有打鼓、Beatbox，识唱歌、潜水，电单车等等，啲人成日话机会系留畀有准备嘅人，之前一直冇机会显示唔到畀大家睇，今次终于可以喺大家面前自弹自唱，其实好开心，可以将以前学咗、准备咗嘢运用，畀大家睇到。”

奶仔忆述当初没有太多机会时，TVB剧中出现的音乐角色都会由他和张彦博饰演：“张彦博唱歌，结他自弹自唱，我就打鼓，一直都冇得唱歌，但今次终于喺前面自弹自唱。唱咗《凭着爱》畀大家听，希望大家钟意同埋Feel到华伦对朱智贤嘅爱意。”获的网民的赞赏及正评，奶仔感谢观众对华伦的支持及喜爱：“华伦呢个角色我自己都好钟意，佢好可爱、得得意意，同我真人真系有啲似。大家（睇得）好似好肉紧，留言话华伦会唔会失败、好惨好感动，开心大家再次讨论电视剧，好似好耐冇试过…有人留意，觉得自己努力冇白费。”