NFT呃人？ 林盛斌投资二百万买元宇宙地产：因为你未了解
元宇宙系乜，好多人都讲得出，但就未必能够完整地解释清楚，但总括而言就是一个供大家网上交流的大型虚拟空间，想像成如史提芬史匹堡电影中《挑战者1号》那样应该较为贴近“元宇宙”的概念。林盛斌可算是香港艺人圈中“元宇宙”或是NFT的先驱者，近年涉足不少有关NFT的事业，除了早前由他大力宣传的便利店“852NFT”外，近期他也与企业家李志诚博士（Amen）合作发展元宇宙地产项目。说不定，林盛斌（BOB）随时成为“元宇宙地产大亨”。
如果我早十年八年认识Amen嘅话，我有机会再行得前啲！
林盛斌与企业家李志诚博士相识
一个是圈中艺人，另一个则是活跃于商界，教授财富、知识传承理念的博士，为什么他们会认识？林盛斌（BOB）表示，其实两人相识是经由他的太太介绍，而且就在过新年时第一次相识时，两人就一拍即合。他说：“𠮶日拜年基本上冇做过啲乜，就系由2，3点同佢喺间房倾，倾足几个钟，讲大家嘅人生同埋呢个project，同埋嚟紧佢想做啲乜。佢想做嘅嘢同我想做嘅嘢又有啲类似，就好似呢个project名，better-verse，一个更加好嘅数码虚拟世界。我成日都好想用我自己小小嘅能力同影响力去做一个better world。”
他自言，就好似他主持《360秒人生课堂》一样，一直希望运用自己的影响力去制造更多正能量，以生命影响生命。他续说：“Amen喺商界，好多老板管理层都系一个公众人物，佢系一个好有智慧，好有远见，好有睇法嘅人，对生命好有睇法嘅人生导师。我够胆讲如果我早十年八年认识Amen嘅话，我有机会再行得前啲！我觉得人生有好多张成绩表，除咗事业、家庭、健康、关系，灵性精神上修为都好重要，讲紧个人成长都好重要。其实Amen讲紧身心灵成长，讲紧bank account，都同我谂法好似。”
做拍档踩入元宇宙
李志诚博士（Amen）受访时，指自己与林盛斌（BOB）是一见如故，因为大家想做的事也十分类似，说：“只系见一次面就产生咗好深嘅连结，所以我喺度讲我做紧嘅项目，佢讲佢嘅理念，我又讲我做元宇宙嘅嘢，所以就不如一齐做啦。我哋虽然唔系18，22，但系有𠮶份18，22嘅心，唔识咪学啰，尽量进入佢哋世界，唔识咪学啰。”Amen笑言：“好在我哋当时见面，两个太太都喺度。”林盛斌（BOB）又即时补充道：“如果唔系我哋就hehe咗。”两人都十分风趣。
我哋喺入面有艺术馆，入面有展览场去租畀人做自己嘅展馆。
投资近二百万入元宇宙做地产大王
林盛斌（BOB）和企业家李志诚博士（Amen）合作发展元宇宙地产项目，旨在建构一个大家可以分享以及纪录生活点滴，家族历史等事物的虚拟展览场馆。他们均表示，早在接受访问之前，计划就已经正室进行得如火如荼，并投资了百多二百万，且在SANDBOX上买了一块1x1的地皮，也找了专业建筑师设计这一栋“Artist Of Life”展览场馆大楼。李志诚博士：“最细千三呎，最平𠮶个单位，唔同楼层，几千蚊到到万几蚊一年。当然个NFT展览你要自己去规划，但系个基本摆设我哋系提供。如果话想重新设计，咁你就要揾designer，当然呢个系另外费用，不过你明白，呢个费用大部份人都负担到，呢个先系我哋想做。”
起楼做展馆为方便用家纪录人生
李志诚博士解释这栋“Artist Of Life”的作用：“我哋喺（SANDBOX）入面有艺术馆，展览场租俾人做自己嘅展馆，譬如我，我会将我过去呢50年，10个最重要反思，用一个艺术品呈现，叫做‘将自己人生拆展成一个艺术作品’。因为呢啲艺术作品系NFT，所以佢哋会永远保留系Blockchain（区块链）上面，亦好方便我将呢啲故事传畀我后人，我嘅孙，太孙甚至未见过嘅下一代，佢第时都可以喺个Blockchain（区块链）上面见到太太太爷嘅作品，当时佢喺COVID-19嘅时候，人生有一个好深嘅领悟。以前系啲大家庭先有家族纪念馆，但系而家唔需要，每个人都有个二千呎地方，将佢自己作品呈现，呢个系我哋一个小小愿望，今次想做到嘅目的。”
林盛斌：我谂可能系蚀住去做
投资百多万会不会担心成本问题？林盛斌也明言：“唔知㗎，开始可能得一百几十人，有机会系一千几百人（租客），再慢慢发展可能会多啲，几千。回报系点，我谂可能系蚀住去做，唔知几时先返到本，但系而家需要付出心机时间。我觉得系咪点都好，人生系咪有啲嘢点都要做呢？”他们指出，这个项目就似是他们人生之中必需要去实行的，去做的事一样，未知会否成功，但必需要“落手做咗先”。
李志诚博士补充，说：“呢个星期有朋友知道我哋有呢个项目，都主动话好想参加。感动嘅系，我同阿BOB都好相信元宇宙只系一个场景，真正重要嘅系社群。”他们解释道，表面上“Artist Of Life”是租赁元宇宙空间的计划，但其实他们想做的是更深层次，令大众改变对元宇宙、NFT的睇法，同时通常这个空间的展品，给予大家一个认识自己，认识其他人的渠道。
林盛斌（BOB）：“好似谢安琪（Kay），现实入面佢有自己品牌，如果喺展览馆入面有佢自己屋企，可以帮佢做设计，将佢品牌嘅衫、袋放喺展览馆入面，当你参与呢个项目，入到去呢个展览馆嘅时候，咪买啰。买返嚟之后可以放上身，或者放喺你自己展览馆入面，呢个就可以为佢额外带来一啲收入同机会。艺人或者画家除咗喺社交平台宣传，点样可以集中多啲钟意睇呢啲嘢嘅人，从而可以令呢啲artists又多一啲收入同机会。”
很多人对元宇宙以及NFT存有疑问态度，认为是“呃人”、“骗局”。林盛斌（BOB）说觉得是骗局，只是源自于大众对这个新科技的陌生。他说：“未有IG、Facebook、社交平台，大家都会觉得系呃人，因为你未了解就会咁觉得。认识一样嘢，必需要透过多啲宣传同教育，我谂我接触呢样嘢都系几个月。头先Amen都解释过，NFT系一个科技，可以系呃人，亦都系帮人。唔识咪学啰，赚到嘅除咗系钱之外，仲可以赚到一啲到底而家世界发生紧咩事嘅知识。”