张曦雯主人系最萌肥猫　同机神一齐瞓：望住佢卖萌都好开心

这个世界上，能够统治到人类的，除了猫，应该就只有猫。所以各人类被喵星人降服之后，都会自称猫奴，完全心甘情愿被牠们管治。最近打机打出名堂的张曦雯（Kelly）就是其中一个范例，她爱“主人”Louie爱到要开埋ig（kinglouiethetiger）！里面全都是Louie的生活萌照，牠天生有一对大眼睛，加上毛色亮丽，身形肥嘟嘟，吸引了其他猫奴以及喜欢张曦雯的粉丝follow。一只可爱猫，在短短两星期内吸引了2千名fans追踪，真的很厉害。而Louie的自我介绍一栏里说：“ 专长：食、瞓、睇奴才打机”、“几点开台我话事，喵”真系好有主人风范，个脑即刻有声，真系好萌啊！

记者致电猫奴张曦雯，她讲起“主人”也相当甜丝丝。Louie今年已经6岁，当时张曦雯由美国返港发展，牠就开始陪伴奴才。而“主人”之所以叫Louie，原来张曦雯因为想他gentleman一点：“我想帮只猫改个人名，等佢真系好似个人咁。加上Louie本身都系皇帝名，听起上嚟就会觉得佢好gentleman，之前我送咗只猫畀细佬，都系改咗个类似嘅名，令到只猫好似有个人character咁。”

众所周知，猫之所以担当主人角色，源于牠们难以捉摸，往往都要奴才服侍返转头，都几难养熟。张曦雯虽然甘于做奴才，但她却表示Louie比较黏人：“有些猫都喜欢躲在一角，但Louie不会，平时我回到家，就会见到佢在门口等我回来，又会让我抱，面对陌生人又不会细胆。”而张曦雯有时候要出trip，Louie就算交由其他亲戚照顾，都不会怕生：“喺呢方面佢都几outgoing同独立，所以我都好放心。”

张曦雯话Louie除了乖，仲好为食：“佢好钟意食，除了一日食两餐，有时见到我食嘢，佢就会走过嚟想食。”于是猫奴张曦雯就透过食物来驯服主人Louie：“佢有时好似狗狗咁，我会畀食物之前，叫‘hand hand’，久而久之佢就识畀手手。之后教埋佢‘请请’，佢就举高两只手，重复一句说话等佢听熟，佢就会知道做咩。”所以Louie有时候肚饿想吃东西，牠就会走过去张曦雯身边，然后“hand hand”想要食物，是个非常聪明的喵星人。

而近来张曦雯在网上直播打机，Louie都会在身边睇住奴才玩game，不过有时牠为了嗲张曦雯求玩，都会出尽办法吸引注意，张曦雯说：“有时打打下机佢就会走过嚟咬我膊头，想我陪佢玩。有时我做主持打开电脑背稿，佢就会坐过嚟分散我注意力。”Louie如此黏人，张曦雯都有想过添个伴陪牠：“但都会惊佢唔惯，同埋佢甩好多毛，我本身有鼻敏感，怕多一只会唔适应。”不过就算未有玩伴，现在有得望住Louie卖萌都好开心！