专访︱MIRROR新歌探索自身宇宙 姜涛为个唱触及旧患︰膝头会痛
等足四个月，MIRROR终于在上月25日推出2022年第一首团歌《Innerspace》。今次12子带大家进入一个充满幻想的世界，MV中，他们在激光和水池的衬托下劲歌热舞，务求令乐迷极尽视听之娱。但原来型格背后，却发生了虾碌、甚至被Jeremy形容为“阴谋”的事情，MIRROR接受《香港01》专访时笑谈拍MV的趣事，更透露7月红馆演唱会的筹备情况！
新歌探索自身宇宙 AK快乐泉源是放假
有别于过去的团歌，《Innerspace》是想MIRROR多认识自己，从而寻找快乐的泉源。队长Lokman解释歌词上的意思是探索自身的宇宙，透过探索自身的心理和精神层面，在了解和消化过程中爆发新能量：“寻求自己嘅时候，揾到啲花火、有趣嘅嘢继续行落去。”虽然12子工作忙碌，不过在夜阑人静时仍会花时间审视自己，特别是经过去年的《调教你MIRROR》，他们更会反思自己的内心世界。AK说最重要是了解自己的本质再去改善：“入行之后，外界一直都畀我哋好多比较，不论系队内队员嘅比较，定MIRROR同出面其他人嘅比较，都会成为一种压力。但最大、最需要比较嘅敌人，其实系自己。你要同自己去比较，战胜㖊日嘅自己。”
在认识自己的过程中，亦希望他们可以找到快乐泉源。AK不假思索说：“放假，大家个开心泉源就会出咗嚟，呢个暂时系最直接、最有效嘅方法，有薪假期就最开心啦。”Alton指录音当日与监制Edward聊天，再解读出自己对“宇宙”的看法：“其实宇宙系咩？我哋企到好后时，在宇宙入中，我哋系好渺小，唔需要将唔开心放到好大。微观自己时，我哋可能系某人嘅宇宙，就会觉得自己好重要。我做少少嘢已经令人好开心，要识点放大自己、点缩细返自己，呢啲系Quality of time。”Frankie称开心很简单：“访问之前同阿虎（Tiger）对望就已经好足够，我自己嘅快乐好易满足。”
姜涛英文Rap为乐迷带来惊喜 感谢Anson Lo教导
新歌中，姜涛的一段英文Rap就为乐迷带来相当大的惊喜，姜涛说要十分感谢Anson Lo，私下亦请教了对方：“我好想尝试Rap呢件事，都问过花姐意见。Anson Lo好爽快就应承咗，好快填咗段词。我Whatsapp有请教佢点唱，好多谢佢，自己对Rap呢样嘢，Anson Lo经验系多啲，尤其填Rap词都系佢拿手啲，所以都请教咗佢好多。”Anson Lo坦言今次填Rap词很紧张：“一嚟我觉得首歌个Theme好特别，填英文Rap同个Theme紧扣系好难。私底下都系咁问佢（姜涛）觉得好唔好唱、啲词好唔好读。每一次作Rap都系自己Solo作品，自己作会记得入脑啲、好唱口啲，都要同佢（姜涛）互相沟通睇下有冇字要改。对咗几次之后，大家揾咗个舒服又Work嘅方法。”
重提水池拍MV虾碌事 Jeremy爆Stanley“阴谋”
《Innerspace》MV共拍摄了两天，Lokman说第一日拍跳舞，而第二日则拍摄文戏。12子要在水池中劲舞，谈到当日发生的虾碌事，众人即时递咪给“食水右翼”Jeremy。Jeremy描述当时的情况：“唔系虾碌，系啲阴谋嚟，Stanley嘅阴谋嚟。地下有咁深嘅水，一踩就会有浪，有啲Music Break嘅地方要好大力去做，大家唔留力嘅情况下，隔篱啲人就会遭殃，譬如话系我，接住完咗就要做Ending Pose，我完全俾佢一个浪咁冲过嚟，成块面湿晒咁做Ending Pose。每一次就系成身湿晒，但又冇得吹干嘅情况下。Stanley系好开心，不停笑，系度话好好玩，好好玩呀”。Stanley解释：“纯粹系我觉得效果要好，水花要四溅先好睇。最开心系睇你每一次Ending Pose完咗，一嗌Cut，我会即刻拧转望Jeremy，佢滴紧水落嚟，就会觉得成件事好好玩。（Edan：其实唔系好玩，专业啫！）”
而另一受害者，“食水左翼”Alton亦重提当日“受害”情况：“喺歌曲尾段，有一Part我同凶手好近，尾段最后一个Music Break喺度跳跳跳，跳完之后就冇仇报，因为首歌完啦，𠮶个凶手就系Edan。（Jer：佢（指着Alton）都系凶手嚟，令到镜头湿咗。）初段时候未适应地面个水，就一下向前冲就向前踢……我令个镜头湿咗两次，之后再Take就唔敢踢。”
MV造型向阿Dee致敬？ Lokman笑言：唔提佢，唔俾佢抽水
12子穿上黑色皮衣拍MV，ERROR阿Dee随后在IG限时动态笑言他们是向自己在《全民造星》的经典造型致敬，Lokman激动说：“唔提佢，唔俾佢抽水。走呀，何启华，你Chill Club已经攞咁多，仲要抽、仲要抽，仲要抽！（AK：你有784秒呀个名。）但我觉得都真系几似嘅，尤其是我哋两个（指着AK）个造型真系几似。”说起《全民造星》，问到现时与当年参赛的自己有什么转变时，Lokman思考一会再回答：“有啲嘢要消化，成日要提点自己，有时提点身边朋友。同呢首歌差唔多，要揾返中间快乐、开心嘅嘢去提醒自己继续走落去，然后再同大家去闯关，同埋嚟紧个大关（红馆演唱会）都要畀多啲心机闯，红馆呢个关卡。”
MIRROR将停工筹备红馆演唱会 率先透露表演项目
十场的红馆演唱会将于7月举行，Lokman表示MIRROR将会停工筹备，不过暂时未知停几耐，要视乎成员的工作安排决定：“一早同花姐讲，可唔可以留多少少时间畀我哋准备。同埋今次四面台，同以前唔同咗好多，背脊都要畀力，同埋唔熟个方向感，所以都要多少少筹备，都想有一个好好嘅演出畀大家。”至于表演项目，他们亦有透露少许，到底Ian和Edan会否玩乐器呢？Ian说：“演唱会玩乐器呀？会喺幕后玩咗先，即系自己做啲Rearrangement先。其实都拣咗玩咩歌，会同之前嘅风格唔同啲，都系啲音乐性嘅表演。”Edan指：“会唔会玩乐器呀？应该都会，同埋希望做多啲唔同嘅表演，今年去红馆，都想做啲同之前唔同嘅嘢，大家拭目以待下。”而阿Jer就透露会为乐迷带来画面上的突破：“谂啲故事性啲嘅Theme去包件事，好睇嘅，现场观众好似入咗Theatre咁。”
暂时未有Solo作品的成员，亦以整体为大前提构表演项目，Alton指已经开过数次会，大家亦有提出不同意见：“话晒（出道）第三年，尽量希望多啲MIRROR嘅嘢。坦白讲，仲开紧会…你问到节目歌，最紧要睇返个Theme啱唔啱先，《REBOUND》我已经好好彩同AK有一首，最紧要个Flow啱睇，唔想太兀突，为做Solo而做就好似唔系好啱数。”Frankie回应：“可能会唱佢哋嘅歌都未定呢”。
演唱会记招显疲态惹粉丝担心 姜涛、Anson Lo， AK大派定心丸
当日的新歌专访紧接着MIRROR演唱会记招，不少镜粉留意到部份成员在记招中略显疲态而非常担心，Lokman解释因疫情关系，很多工作需要延期，所以近一、两个月较为忙碌追回进度。忙于拍剧的姜涛、Anson Lo以及AK亦向粉丝大派定心丸，姜涛笑言：“唔攰、唔痛，OK呀。纯粹膝头哥不嬲有少少旧患，有时会痛，不过OK冇事，都系会跳到舞畀大家睇。”AK瞪大双眼说：“眼瞓系旧患，冇事呀、唔攰呀，精神呀。”Anson Lo先呆一呆再指：“我腰痛，所以企得耐就一定要伸展下，不嬲都系咁，但其实OK嘅。旧患嚟，突然就会飞出嚟，瞓得唔够又会飞出嚟，但完全唔影响工作，唔攰亦都唔痛。”
Chill Club赛果令激进粉丝出现骂战 姜涛Anson Lo从未因而影响感情
专访的前一日刚好是《Chill Club推介榜年度推介21/22》，Anson Lo夺得男歌手金奖以及凭歌曲《Megahit》勇夺年度之歌，而姜涛则夺得男歌手银奖。赛果一出，网络上随即掀起热烈讨论，双方部份激进粉丝甚至出现骂战，Anson Lo和姜涛亦在专访中回应事件。Anson Lo说：“当晚都有倾，得出结论系就算大家点讲，我哋双方都知道自己各自做紧好钟意嘅音乐，所以唔存在赢同输呢样嘢，希望大家Focus返音乐上嘅质素。”
姜涛十分同意Anson Lo的说法：“真系以上皆是，呢个问题都存在咗（好耐），由我哋成团，大家嘅Fans一定会有讨论呀、争执咁，但我哋从来冇因为呢啲嘢而感情唔好，都希望大家放心，亦希望大家Enjoy我哋做嘅音乐，少啲比较、多啲Enjoy。（Fans嘅反应有冇令到你哋困扰？）我相信我哋每个对于自己嘅作品，都唔系要令大家去比较，都系做自己钟意做嘅嘢，有人钟意就一定有人唔钟意，我觉得呢个系好正常嘅情况，所以冇特别去多谂。尤其是入行愈耐愈觉得，喺呢方面嘅思想都成熟咗好多。”访问时未过23岁生日的姜涛，则透露自己的生日愿望：“希望嚟紧红馆演唱会顺利，每一个，无论系观众定我哋表演者本身可以做到、睇到自己想要嘅嘢之外，每个人都可以身体健康。”
Makeup：Annie G. Chan,Rainbow Chung,Giann Cheung,Cori Wong ,Mayling Suen @Annie G.Chan Makeup Centre
Hair：Man Chan,Denny Ku,Jeff Wan,Idols Leung,Harris Lai@CHIC Private I salon
服装：Joyce、Mr Porter、Lane Crawford、Sacai、Sandro