乐易玲回应余德丞离巢　以公司立场感可惜︰但作为佢嘅长辈很理解

TVB上位小生余德丞（Dickson）日前突然在YouTube自爆已离巢，与TVB结束8年宾主关系。余德丞在片中大爆自己一直对公司未能澄清点灯续命传闻一事耿耿于怀。而无线高层乐易玲亦在她工作上的新IG出po，表明对于余德丞离开TVB，对公司来说是非常可惜，她写道︰“Dickson年多前同我讲过，32岁系男人嘅黄金岁月，好想往外闯闯，给自己摸索一下外面的世界，对公司讲虽然可惜，但我作为佢嘅长辈很能理解……出去走一圈，偿心愿……碍于仍在隔离中，上星期五Dickson 返公司8楼办理手续，仲坐低同经理人叙叙，我不在公司错过了坐低同Dickson饮杯咖啡祝福一吓。#江湖四海有缘再聚 #祝一切顺利身体健康 #加油”

不过，乐小姐就未有回应余德丞当年希望澄清点灯续命传闻一事。事源是余德丞曾在2018年踢足球期间，突然心脏出事昏迷入院：“当时有个人出嚟话我阿妈去跪佢帮我免费点灯续命，但根本我同妈咪唔识呢个人，我哋识嘅人都冇人去揾过佢，我当时好想企出嚟，但公司认为最好嘅回应就系唔回应，最后更只系叫我答：‘多谢关心，我没有回应。’我唔明点解要咁，系啱就啱，系错就错，但而家咁回应，咪令其他人更多揣测，有冇谂过咁嘅决定会有影响，仲会伸延落去，以后人哋谂起我都谂起呢件事。我自己做呢行冇所谓，但我妈咪出到去人哋会点谂佢，咁系伤害一个唔系呢行嘅人。到而家我仲可以坐喺度，好多人就觉得系因为我妈咪去点灯续命。”余德丞称事件令余妈妈备受压力。

余德丞回复《香港01》时，未有表明当年时，当年谁不希望他对外界澄清点灯续命传闻一事。他只特别感谢乐小姐的祝福，他说︰“感恩同乐小姐共事过八年，多谢佢嘅祝福。其实我想表达嘅已经喺我YouTube影片清楚讲咗。我都好感恩曾经系TVB度过咗八年嘅时光，希望学到嘅，体会到嘅，都可以学以致用，令我进步成为一个更好嘅人。”