余德丞突然宣布离巢　不满TVB未澄清点灯续命传闻连累家人

TVB上位小生余德丞（Dickson）近年再凭剧集《青春不要脸》人气急升，但他竟突然在YouTube自爆已离巢，与TVB结束8年宾主关系。余德丞在片中清理在TVB的储物柜，更讲道：“其实都啲伤感，但旧嘅唔去新嘅又点会嚟。”除此之外，他更大爆自己一直对公司未能澄清点灯续命传闻一事耿耿于怀。

事源，余德丞曾在2018年踢足球期间，突然心脏出事昏迷入院：“当时有个人出嚟话我阿妈去跪佢帮我免费点灯续命，但根本我同妈咪唔识呢个人，我哋识嘅人都冇人去揾过佢，我当时好想企出嚟，但公司认为最好嘅回应就系唔回应，最后更只系叫我答：‘多谢关心，我没有回应。’我唔明点解要咁，系啱就啱；系错就错，但而家咁回应，咪令其他人更多揣测，有冇谂过咁嘅决定会有影响，仲会伸延落去，以后人哋谂起我都谂起呢件事。我自己做呢行冇所谓，但我妈咪出到去人哋会点谂佢，咁系伤害一个唔系呢行嘅人。到而家我仲可以坐喺度，好多人就觉得系因为我妈咪去点灯续命。”余德丞称事件令余妈妈备受压力。

他与伍乐怡重现《神雕侠侣》经典一幕：

而他回复《香港01》时就指：“都唔系突然之间做嘅决定，考虑咗一段时间，顺住自己思路走，想试下见识下唔同嘅嘢。（系咪续约条件麻麻呀？）唔关事嘅，我都33岁，真系想试吓新嘢。”