专访 | 陈山聪人生污点系同伍咏薇“分手”：人生唯一后悔的事
陈山聪（Joel）再度回归无线（TVB）电视剧《金宵大厦2》，一人分饰三角，包括花心男Maurice、暖男Joey，以及精神病人。相比起3年前拍摄《金宵大厦》，陈山聪现在是一子之父，在疫情下平衡家庭和事业成了陈山聪的生活重心。
陈山聪仔仔Jaco（陈霆轩）就快两岁，陈山聪甘心做奶爸，每晚儿子哭闹都亲自起身哄入睡，乐而不疲，提起昨晚儿子半夜起身扭抱时，他既无奈又幸福地笑道：“㖊晚三点几佢叫，我就话点呀大佬！我都又唔畀得夜奶佢饮住，所以我就抱起佢，我就𠱁佢瞓，侧边有张床畀佢瞓，我就知点解佢喺度‘𦧲’，佢想上我哋张床度瞓。瞓到6、7点𠮶阵，𠮶转就真系肚饿啦，叫到拆天，我就出去开奶畀佢食。系我自发想凑佢嘅，太太就梗系见到有人做就最好啦！”
发型 : Hair Culture HK - Seiko Sin
化妆：Chloe Yu
场地提供：whereami.hk
摄影：陈顺祯
爱做奶爸：我一放假就会全日陪仔啦
陈山聪太太何丽萍（Apple）从事美容业，两公婆均工作繁忙，Jaco多半交由“秘书”工人姐姐照顾Jaco，其次便是陈山聪。不过一场疫情来袭，太太反而多了余裕陪伴儿子，他们凑仔时间比以往分配得更平均，山聪说：“而家太太就照顾Jaco多啲，而家佢哋亲子关系亲密啲。太太返工10点、11点，夜晚8点先返到嚟，所以之前冇乜时间去照顾佢。咁我拍剧可能突然有一日要放假㗎嘛，我一放假就会全日陪仔啦！”
陈山聪对凑B乐而不疲，Jaco自然更黐爸爸。惟山聪不会溺爱儿子，他自认刚中带柔：“我闹佢系闹得最多，锡佢系锡得最多，我相信佢会明嘅。但我真系会‘抦’佢㗎！例如叫咗佢好多次唔好搞啲电掣，佢系都要去，佢就会谷住泡眼泪。”
考虑生二胎
惟陈山聪无意当虎爸，不打算为催谷Jaco考名校而学十八般武艺，只知Jaco不抗拒游水，他打算Jaco下年入K1安排他上游水班。会否考虑生二胎？陈山聪则称要交由太太决定：“我哋都有考虑过不如生多个比Jaco啦，有多个兄弟姊妹。但奈何太太年纪都唔细，佢睇咗好多报告，担心第二胎冇咁聪明，佢惊佢发育成长唔好，我都尊重佢意思，俾佢考虑多一段好短嘅时间，我话过咗呢个Deadline我就唔生啦，如果唔系大家都好辛苦。”
Jaco可爱照：
低潮时期行街被指骂：讲啲难听说话，我咪扮听唔到啰！
陈山聪现拥有美满家庭，从浪子回头再走到这一步也不简单。众所周知，陈山聪经历过两个低潮，第一个低潮是1997年金融风暴期间任职牛仔裤销售员，每月收入仅3千多元，他忆述时依然感叹：“我望住张支票喊，原来返工咁辛苦先得呢个价值。”
陈山聪第二个低潮则被爆出恋上何超云，当年他被指抛弃有10年感情关系的妻子杨渡萍，形象下滑，连出街都被途人指指点点。陈山聪过往已多番被问及这些难受的往事，今再度提起，他未有脸露不耐烦，只是敛起笑容叹道：“行街去到边度个个都望住你啦！但冇办法，你人生就系经历呢啲嘢，人哋梗系会咁睇你㗎啦！”
有否被人用难听说话“问候”？陈山聪爽快承认：“有！点会冇呀！讲啲名呀、难听说话，我咪扮听唔到啰！𠮶啲只系语言伤害，唔系身体伤害，我相信佢𠮶阵都唔会谂住我够胆打佢嘅，如果真系打，佢咪‘咩呀’咁啰！”陈山聪思前想后，终归想回到娱乐圈，唯有鼓起勇气，选择迫自己出街见人，迎接四方八面的利箭，“一定要（见人）！唔系点做返娱乐圈、拍剧、做演员。你谂吓当时几多记者几多尖锐嘅问题？几难听嘅说话我未听过？”
伍咏薇点醒自己：最难系你点面对自己
回想那段难堪的日子，陈山聪说得最多的，是对别人的指责表达全盘接受和谅解，“我都唔可以怪人哋，我明白嘅，调返转我系佢哋咁，我都会咁话佢都未定。但系呢个只系一个过程，你过咗就得㗎啦！”
契家姐伍咏薇一番说话，陈山聪依然铭记于心，也教晓他面对现实，“佢话你跌低，要人哋帮你容乜易啫，自己帮自己系最难嘅。其实最难系你点面对自己。”与伍姑娘决裂是陈山聪的一个污点，当年两人因为一通开玩笑的电话而“分手”，多年后于日本东京重逢，他主动致电伍姑娘相约食饭和解，“𠮶阵我即刻我系Feel到系，一对情侣分手，然后你仲好爱佢，终于有机会复合嘅感觉，终于俾我等到。咁𠮶晚梗系醉到晕啦！走咗三个地方食嘢呀你谂吓，当晚我啦、我太太、我哥哥、佢两公婆，5个人，由7点几食到11点，你谂吓几开心。”陈山聪坦言这是他人生唯一后悔的事，幸好伍姑娘不计前嫌，如今两姊弟感情更胜从前。
感激TVB高层、监制提携
陈山聪亦感恩乐易玲、曾励珍、曾志伟等贵人重新给予机会，他最感谢是两位伯乐——《铁拳英雄》和《金宵大厦》监制文伟鸿和叶镇辉。他说：“佢哋话俾观众厅，陈山聪可以做到嘢、系可以演戏。”
整场访问中，陈山聪说得最多的便是“绝对”两个字，看得出他从过往种种学懂深刻教训后，愈发肯定个人想法和价值。不惑之年已过半，陈山聪坦言，是跑步带领他领略人生，跑到45岁的这个人生阶段，他最肯定的有一件事：“我跑42.195公里嘅时候好辛苦，去练习、着对鞋落街嘅时候最辛苦，但我话俾自己听，呢个系一个过程，你挨过咗就会到达终点。”