逐流时代｜麦明诗麦子乐楼梯激咀天台肉搏　除剩底底劲尴尬

由麦明诗、麦子乐、黄德斌、陈雅丽、黄又南领衔主演的“亚洲心动娱乐”网剧《逐流时代》，开播以来话题十足，其中近年转战法律界的麦明诗，在剧中跟麦子乐与黄德斌的情欲戏更成热讨话题，继麦子乐与麦明诗的激咀戏后，日前更播出二人在天台“激战”场面，尺度大胆，而拍摄期间麦子乐只身穿肉色底裤上阵，难怪他大叫尴尬。

剧情讲述麦子乐与麦明诗在楼梯激咀，边锡边到天台，然后情不自禁“激战”，麦子乐透露拍摄过程顺利，而埋位前二人亦沟通好及试了多次位，不过为了营造出露股视觉，麦子乐只身穿肉色底裤上阵：“我觉得拍呢类戏，通常男仔会畀女仔尴尬同紧张，好彩拍呢场戏时，同明诗都合作咗一段时间，感情好好，我哋可以好好沟通，所以拍摄系顺利而且点到即止，一两take就完成，不过我真系好尴尬，因为而家唔系去游水嘛，我净系着住条底裤，现场鬼咁好多人。”

问到麦子乐可有为今次拍摄而操肌？他指自己一向有操开，没有为角色而刻意操肌，他谓：“冇特别操肌同节食，因为拍呢套戏系夏天，我嘅戏服系着五层嘅西装，每日嘅排汗量超多，唔使减肥。”跟麦明诗首次合作，麦子乐大赞对方健谈兼醒目：“合作过后，我对她有啲改观，起初我对佢观感系好Cool，但原来熟咗之后，佢份人都几热情，而且仲好好倾。”自入行以来，麦子乐拍过不少感情戏，而且不时挑战尺度，问到他可有觉得自己艳福无边？他笑说：“幕前我嘅感情好丰富，监制、导演好锡我，畀好多感情戏我，可能佢哋知我现实中冇啩。”