张惠雅最嬲被指介入陈法拉薛世恒婚姻：我绝对唔会做第三者！

现年33岁的张惠雅（Regen）于十五岁时签约Neway Star，2007年伙拍张汶嘉（Crystal）及黎美言（Winkie）组成三人跳唱女团HotCha杀入乐坛，奈何HotCha最终逃不过“组合七年之痒”宿命于2014年拆伙。三人先后与公司解约，至今独剩Regen以独立歌手身份留守乐坛。独立两年，Regen为自资制作新歌《Wish You Were OK》接受电台专访，并透露当年组女团七年风光背后的辛酸史：“其实由我出道到离开，都系冇赚过钱，最后都系畀咗嚿钱先走。所以以前有冇人工呢？我哋每个月都有钱嘅，但属于预支，到最后都系要还番畀公司。”

Regen忆述当年组成HotCha前与队友互不相识，合作七年常有争拗：“拗撬最多系同Winkie，佢比较大剌剌，唔钟意就会直接讲，未必每个人顶得顺佢性格。”但Regen指HotCha解散与组员合作无关，最重要是长期没有收入：“𠮶时我哋三个都冇钱，希望公司揾多啲工作，但做极都唔够冚返预支条数。最初太钟意唱歌跳舞，但后尾工作时间长，又冇假放，每日瞓四个钟，好唔成正比，精神都有问题，唔知为乜。（最多月薪有多少？）八千到万一、二，但当不停做系还欠公司嘅钱，就会反问自己做咩要咁辛苦。”

有指Regen 2011年突然选择离队赴日本及澳大利亚留学促使HotCha分裂解散，问到当年她有没有考虑队员感受，她说：“其实已经考虑咗一年先走，最大原因系𠮶时精神状态好差、好辛苦，试过拍完电影后，瞓觉𠮶时仲见到啲机器喺我床边，系好恐怖。唔可以剩系帮人谂，𠮶时我都帮番团队，只收几千蚊就飞返嚟拍咗一个齐人嘅代言广告。”

曾经对爱情充满憧憬、视30岁前结婚为人生目标的Regen亦剖白，经过多段不如意的感情经历后，她扬言爱情在她的人生中已经不再重要：“我拍过十多次拖，每一次都是‘烂桃花’，钟意过嘅都系衰人！”她难以容许另一半对自己不忠，所以一般都是三个月分手，最长时间也难维系超过半年。

节目中，Regen亦重提昔日与老板薛世恒传绯闻，亦被指促使老板与陈法拉离婚，她形容报道是她入行以来最愤怒的一次：“我自己有精神洁癖，曾经因为男朋友对旧爱未完全放低而分手，所以我绝对唔会做第三者。𠮶时我好执着，一直想揾出系边一位记者作呢单新闻，佢知唔知佢嘅一支笔对人伤害有几大？事隔咁多年，佢有冇感受到咁做会好影响到我呢？我唔了解老板点解离婚，一段关系要搞到离婚，一定有好多问题。”