旨呈拍《逐流时代》首同黎纪君合作　监制戚其义下令惨被打到面肿

网剧《逐流时代》最近热播，播出后剧中演员带起了网上热话，除了黄德斌、麦明诗、麦子乐之外，歌手旨呈剧中饰演黄德斌儿子，是一名玩世不恭的二世祖，更与三位女神麦明诗、钟浠文及张凯娸合作，令网友羡慕。但是他否认艳福无边一事：“麦明诗系我老豆嘅情人，对我只系攻心计。钟浠文对我几好，但后期就发现完全冇心动感动，仲会好惨。我同张凯娸今次系第三度合作，但同佢冇亲密戏，我会帮佢捽脚同救佢啦！虽然唔系艳福无边，但都开心可以同咁多个靓女合作。”

旨呈剧中也没有预期的亲热戏，反而还被黎纪君掌掴及用棍殴打，他本人也觉得自己可怜：“黎纪君系真打，仲畀佢打咗好多巴，本来佢想留力，但监制（戚其义）觉得唔似，叫佢用力打，最后系打到块脸有少少肿。至于用棍殴打，其实唔系黎纪君落手，因为佢唔够胆打落嚟，系监制亲自打，佢话你信我啦，枝棍𠝹咗，一打落嚟就断，点知𠝹得太浅，打落嚟枝棍无断，第二次都无断，监制同我讲唔好意思，佢话再𠝹深啲，第三次终于打断，打完之后佢都有揽揽我。”

点击睇《逐流时代》其他精彩靓相！